कर्णाली प्रदेशमा कोरोना संक्रमणका कारण मृत्यु हुनेहरुको संख्या ०.२ प्रतिशत रहेको सामाजिक विकास मन्त्रालयका स्वास्थ्य शिक्षा अधिकृत नवराज कँडेलले बताएका छन् ।

कर्णालीमा हालसम्म ४ हजार नौ सय २५ जनामा कोरोना संक्रमण पुष्टि भएको छ । ती मध्ये तीन हजार ६ सय ७८ जना निको भइसकेका छन् ।

कोरोनाका कारण मृत्यु हुनेको संख्या १२ जना रहेको छ । १२ सय ३५ जना आइसोलेसनमा बसेर उपचार गराइरहेका छन् । नेपालमा कोरोनाका कारण मृत्यु हुनेको दर असोज ३० गतेसम्म शुन्य दशमलव ६ प्रतिशत रहेको उनको भनाई छ ।

लकडाउन सुरु भएदेखि कर्णालीमा ८३ हजार ६६ जनाको आरटी पिसिआर जाँच भएको छ । त्यसमध्ये पाँच दशमलव नौ प्रतिशतमा कोरोना पुष्टि भएको हो । कोरोनका कारण सुर्खेतका पाँच जना, दैलेखका चार जना, कालिकोटका, डोल्पाका एक एक जना, बाँकेमा एक जनाको मृत्यु भएको छ ।

कर्णालीमा ३५३ वटा क्वारेन्टीन निर्माण गरिएका छन् । ती क्वारेन्टीनमा २२ हजार ७८६ बेड छन् भने असोज तीस सम्म क्वारेन्टाईनमा पाँच सय २३ जना बस्दै आइरहेका छन् ।

उनका अनुसार १११ वटा हेल्थ डेस्क कर्णालीमा छन् । हेल्थ डेस्कबाट हालसम्म तीन लाख ६३ हजार ७८१ जनाको जाँच गरिएको छ । ज्वरो क्लिनिकबाट सेवा लिनेको संख्या ५७ हजार ७५३ रहेको छ ।

२६ वटा भेन्टिलेटर, ६२ आइसीयू बेड
कर्णालीमा प्रदेश अस्पतालमा १०, दैलेख अस्पतालमा २, सल्यानमा एक, रुकुम पश्चिममा एक, जाजरकोटमा एक,, कर्णाली स्वास्थ्य विज्ञान प्रतिष्ठानमा ६, कालिकोटमा २, हुम्लामा २ र मुगुमा एक वटा भेन्टिलेटर रहेका छन् ।

यस्तै प्रदेश अस्पतालमा २५, दैलेखमा पाँच, जाजरकोटमा २, सल्यानमा २, रुकुम पश्चिममा दुई, चौरजहारी अस्पतालमा २, जुम्लामा १०, कालिकोटमा पाँच, हुम्लामा पाँच र मुगुमा २ आइसियु रहेका छन् ।
लकडाउन पश्चात कर्णालीमा ८२ हजार भित्रिए ।

असोज तीस गते सम्मको विवरण अनुसार लकडाउन पश्चात कर्णालीमा भारत तथा अन्य स्थानबाट ८२ हजार एक सय २३ जना भित्रिएको प्रदेश प्रहरी कार्यालयले जनाएको छ । लकडाउन पश्चात भारतबाटै मात्र आउनेको संख्या ६२ हजार ६५३ जना, तेश्रो मुलुकबाट आउनेको संख्या एक हजार २७ र अन्य प्रदेशबाट आउनेहरुको संख्या १८ हजार ४४३ जना रहेको प्रहरीले जनाएको छ ।