प्रयोगशालामा मान्छे र बाँदरको हाइब्रिड बनाउन लागिएपछि हंगामा

अमेरिका र चीनका वैज्ञानिकहरूले बाँदर र मानिसको हाइब्रिडको भ्रूण प्रयोगशालामा बनाउन लागेपछि नैतिक प्रश्नहरू उठेका छन् ।
 

साल्क इन्स्टिच्युटका विज्ञहरूले बाँदरको भ्रूणमा मानिसको स्टेम सेल राखेका थिए । यो हाइब्रिड २० दिनसम्म बढेको थियो । 


Advertisement

यस परीक्षणले विकासात्मक जीवविज्ञान तथा विकासक्रममा नयाँ जानकारी दिने अनि क्यान्सरको उपचारमा पनि सहयोगी हुने अनुसन्धाताहरूको भनाइ छ ।

मुख्य अनुसन्धाता हुआँ कार्लोस इज्पिसुआ बेलमोन्टेले निश्चित प्रकारका परीक्षणहरू मानिसमाथि गर्न नहुने भएकाले अर्धमानव हाइब्रिड बनाइएको बताए । 

तर यस अनुसन्धानमा संलग्न नरहेका वैज्ञानिकहरूले यसको नैतिक आयामको कुरा उठाएका छन् । 

अक्सफोर्ड विश्वविद्यालयका प्राध्यापक जुलियन साभुलेस्कुले यो अध्ययनबाट दीर्घकालीन प्रश्नहरू उब्जेको बताए ।
 

साभुलेस्कु अनुसन्धान तथा अध्ययनको नैतिकताका विज्ञ हुन् । 

यस अनुसन्धानले मानव र गैरमानव काइमेराको प्यान्डोराज बक्स खोलिदिन्छ,’ उनले भने । 

‘गैरमानव प्राणी मानसिक रूपमा मानव जस्तै हुन सक्छ ।’

एजेन्सी
एजेन्सी

लेखकबाट थप...

कमेन्ट गर्नुहोस्