तीन मुक्तक



१.
शान्ति धेरै अनि हल्ला कम बनाउँछु
फाटेको मन जमाइदिने गम बनाउँछु
कति मारे सिधासाधा अब पालो उनकै
पापीजति मारिदिने बम बनाउँछु ।

२.
तिलको दाना झैं हाम्रो देशको आकार हुने भयो
राष्ट्रघातीका सारा सपना साकार हुने भयो ।
हे ईश्वर ! बचाऊ देशलाई डुब्नै आँटेको छ
अब यहाँ चारैतिर अन्धकार हुने भयो ।

३.
बाउ आमालाई हेर्ने कुन छ नभन न आमा
एक दिन यो नि टाढा हुन्छ नभन न आमा ।
उसको पनि को नै छ र मेरैलागि आइछे
बुहारीकै कुरा सन्छ नभन न आमा ।

—उमाकान्त भण्डारी, स्याङ्जा