२० असार २०८३, शनिबार
अमेरिकाको क्यालिफोर्नियामा बस्ने एक व्यक्तिले कोरोनाभाइरसबाट राहतका लागि दिइएको ५० लाख डलर रकम विलासी कार खरिद गर्नका लागि खर्च गरेका छन् ।
त्यो रकमले उनले महंगो ठाउँमा छुट्टी बिताउने अनि फरारी, बेन्ट्ली र लाम्बोर्गिनी जस्ता कार किन्ने काम गरेको अभियोजनकर्ताहरूले बताए ।
मुस्तफा कादिरी नामक ती व्यक्तिलाई पेचेक प्रोटेक्सन प्रोग्राममा धोकाधडी गर्न खोजेको आरोपमा पक्राउ गरिएको छ । उक्त कार्यक्रम सन् २०२१ मा साना व्यवसायीहरूलाई कोभिड महामारीका बेलामा सहयोग गर्नका लागि दिइएको थियो ।
कादिरीले अर्कैको नाम, सामाजिक सुरक्षा नम्बर र हस्ताक्षर चोरेर ऋणका लागि निवेदन दिएको पनि अभियोजकर्ताहरूले बताएका छन् ।
संघीय एजेन्टहरूले विलासी कारहरू बरामद गरेका छन् र कादिरीको बैंक खाताबाट लगभग २० लाख डलर जति रकम पनि बरामद गरेका छन् ।
उनको मुद्दा जुन २९ मा सुनुवाइ गरिने भएको छ । उनलाई एक लाख डलरको धरौटीमा रिहा गरिएको छ ।
