भारतको उत्तर प्रदेशमा भारतीय जनता पार्टी (भाजपा) नेता योगी आदित्यनाथ दोस्रो कार्यकालका लागि मुख्यमन्त्री नियुक्त भएका छन् ।

यसअघि समेत मुख्यमन्त्री रहिसकेका योगीले शुक्रवार फेरि दोस्रो कार्यकालका लागि शपथ लिएका भारतीय सञ्चारमाध्यमले जनाएका छन् ।

हालै सम्पन्न विधानसभा चुनावमा भाजपाले बहुमत ल्याएको छ । योगीले प्रदेश सरकारमा केशव मौर्य र ब्रजेश पाठकलाई उपमुख्यमन्त्री बनाएका छन् । मौर्य विधानसभा चुनाव हारेका हुन् ।

क्याविनेट मन्त्रीमा सूर्यप्रताप शाही, सुरेशकुमार खन्ना, स्वतन्त्रदेव सिंह, बेबी रानी मौर्य, लक्ष्मीनारायण चौधरी, जयवीर सिंह, धर्मपाल सिंह, नन्दगोपाल गुप्ता नन्दी, भूपेन्द्रसिंह चौधरी, अनिल राजभर, जितिन प्रसाद, राकेश सचान, अरविन्दकुमार शर्मा, योगेन्द्र उपाध्याय, आशिष पटेल र सञ्जय निषाद छन् । 

स्वतन्त्र प्रभारमा नितिन अग्रवाल, कपिलदेव अग्रवाल, रविन्द्र जयसवाल, सन्दीप सिंह, गुलाब देवी, गिरीशचन्द्र यादव, धर्मवीर प्रजापति, असीम अरुण, जेपीएस राठौर, दयाशंकर सिंह, नरेन्द्र कश्यप, दिनेशप्रताप सिंह, अरुणकुमार सक्सेना, दयाशंकर मिश्र दयालु छन् ।

राज्यमन्त्रीमा मयंकेश्वर सिंह, दिनेश खटीक, सञ्जीव गोंड, बलदेवसिंह ओलख, अजीत पाल, जसवन्त सैनी, राकेश निषाद, मनोहर लाल, सञ्जय गंगवार, बृजेश सिंह, केपी मलिक, सुरेश राही, सोमेन्द्र तोमर, अनूपप्रधान वाल्मीकि, प्रतिभा शुक्ला, राकेश राठौर गुरु, रजनी तिवारी, सतीश शर्मा, दानिश आजाद अन्सारी र विजयलक्ष्मी गौतम छन् ।