भारतको गुरुग्राममा गुडिरहेको सडकबाट गाईहरूलाई फाल्ने तस्करहरू पक्राउ परेका छन् । 

गाई तस्करहरूको यस्तो क्रियाकलापको घटनाको भिडियो सामाजिक सञ्जालमा भाइरल बनिरहेको छ । 

गाईमाथि दुर्व्यवहार गर्नेहरूलाई प्रहरीले २२ किलोमिटरसम्म लखेटेको थियो । भोंडसी नामक स्थानमा गुडगाँव प्रहरीले नाकाबन्दी गरेपछि ती तस्करहरू गाडी रोकेर भाग्न खोजेका थिए । ६ मध्ये पाँच तस्कर पक्राउ परेका छन् । 

प्रहरीबाट भाग्ने क्रममा दुईजना तस्कर फ्लाईओभरबाट हाम्फालेका छन् । त्यसक्रममा उनीहरूको हातखुट्टा भाँचिएको छ । 

पक्राउ परेका आरोपितहरू बल्लू, तस्लीम, पापा, शहीद र खालिद हुन् । उनीहरू मेवातमा बस्छन् । 

गुरुग्रामका डीसीपी राजीव देसवालका अनुसार, सेक्टर २९ बाट सातवटा गाई चोरी भएको जानकारी प्रहरीले पाएको थियो । त्यसपछि प्रहरीले नाकाबन्दी गर्‍यो । 

आरोपितहरू प्रहरीको चेकिङबाट बच्नका लागि बाटोमा गाई फ्याँक्दै हिँडेका थिए । 

ट्रकबाट गाई फ्याँकेकाले कतिपय गाईलाई चोट लागेको छ । ती गाईहरूको उपचार चलिरहेको छ । 

आरोपितहरूबाट एउटा बन्दूक बरामद भएको छ ।
 

गुरुग्राम पुलिस ने 22 KM पीछा करके गौ तस्कर पकड़े।
नाम हैं बल्लू, तस्लीम, शहीद और खालिद। पुलिस की गाड़ियां पलट देना चाहते थे, इसलिए चलते वाहन से गाय नीचे फेंक रहे‌ थे। #Gurugram #Haryana pic.twitter.com/AOMVawsbzf

— रजत तिवारी (@rajat28nov) April 9, 2022