×

X
Nic Asia
Dabur
Marvel

स्थानीय चुनाव

मनकामना क्षेत्रमा पर्ने शहीद लखन गाउँपालिकामा त्रिपक्षीय भीडन्त, माओवादी विरासत भत्काउने कांग्रेस-एमाले दाउ

गोरखा | बैशाख २६, २०७९

TVS INSIDE

नेपालको प्रसिद्ध तीर्थस्थल गोरखाको मनकामना क्षेत्र रहेको शहीद लखन गाउँपालिकामा त्रिपक्षीय प्रतिस्पर्धा हुने देखिएको छ । देशका अधिकांश स्थानमा सत्ता गठबन्धनबीच चुनावी तालमेल भए पनि गोरखाका पालिकाहरूमा भने तालमेल भएको छैन । 

IME BANK INNEWS

२०७४ सालमा माओवादी केन्द्रले चुनाव जितेको शहीद लखन गाउँपालिकामा यसपटक दलहरू एक्ला-एक्लै भिडेका छन् । 


Advertisment
NMB BANK
RMC TANSEN
Saurya island

माओवादी केन्द्रको तर्फबाट रेशमबाबु थापा मगर दोहोरिएका छन् । पहिलो कार्यकालमा गरेको राम्रा कामका कारण आफूलाई जनताले जिताउने थापाको विश्वास छ । 

रमेशबाबु थापा ।

‘पहिलो कार्यकालमा गरेको राम्रो काम नै हामीले जित्ने आधार हो । बेरुजु कम भएको गाउँपालिकामा हामी देशकै चौथो र गण्डकीको पहिलो गाउँपालिका हुन सफल भएका छौँ,’ थापाले भने, ‘कार्यसम्पादन मूल्यांकनको आधारमा पनि हामी गोरखाको दोस्रो गाउँपालिका भएका छौं ।’ 

पहिलो कार्यकालमा अधुरा रहेका कामको निरन्तरताका लागि उम्मेदवारी दिएको उनले बताए ।  

Vianet communication
Maruti inside

नारायण लामिछाने र मनोज जोशी ।

नेपाली कांग्रेसको तर्फबाट नारायण लामिछाने र नेकपा एमालेको तर्फबाट मनोज जोशी उम्मेदवार छन् । २०७४ सालको निर्वाचनमा गाउँपालिका अध्यक्षमा पराजित भएर तेस्रो स्थानमा रहेका जोशी एमालेबाट पुनः उम्मेदवार बनेका छन् । 

‘चुनावमा पराजित भए पनि हामी ५ वर्ष निदाएर बसेनौँ, केन्द्र र प्रदेश सरकारसँग पहल गरेर विकास बजेट ल्याउन हामी अहोरात्र खट्यौँ,’ जोशीले लोकान्तरसँग भने, ‘पाँच वर्षमा फेरिएको समीकरण र हाम्रो संगठन विस्तारका कारण यसपटक चुनाव जित्नेमा विश्वस्त छु ।’ 

२०७४ सालको चुनावमा माओवादीका रमेश थापाले ३ हजार ८०८ मत प्राप्त गर्दा नेपाली कांग्रेसका कृष्णबहादुर आलेले ३ हजार ४०४ मत पाएका थिए । 

नेपाली कांग्रेसको तर्फबाट नारायण लामिछाने उम्मेदवार छन् । गत निर्वाचनमा नेपाली कांग्रेसले ४, नेकपा एमालेले ३ र माओवादीले एउटा वडा जितेको थियो । डा. बाबुराम भट्टराईको गृहजिल्लाको यो गाउँपालिाकामा माओवादी केन्द्र र जसपाबीच अघोषित तालमेल छ । 

गत निर्वाचनमा दोस्रो स्थान हासिल गरेको नेपाली कांग्रेस पनि यसपटक नतिजा उल्टाउने दाउमा छ । 

स्थानीयको माग- मनकामनासम्म जाने बाटो पिच होस्

मनकामना क्षेत्रका स्थानीय आँबुखैरेनी हुँदै मनकामना जाने बाटो पिच (कालोपत्रे) भएमा यस क्षेत्रको चहलपहल बढ्ने बताउँछन् । मनकामना क्षेत्रमा खानेपानीको उचित प्रबन्ध र सरसफाइ उनीहरूको अर्को एजेण्डा छ । 

वडा नम्बर ३ का मतदाता रिजन श्रेष्ठ खानेपानी र फोहोर व्यवस्थापन अहिले मनकामना मन्दिर आसपासको समस्या रहेको बताउँछन् । ‘एकातर्फ मनकामना मन्दिर क्षेत्रमा फोहर व्यवस्थापन र सरसफाइको आवश्यकता छ । साथै यहाँसम्म आउने ९ किलोमिटर सडक पिच भयो भने पर्यटकहरू यहीँ बस्न आउँथे, यहाँ राम्रा होटल बन्ने थिएँ,’ श्रेष्ठले भने । 

रिजन श्रेष्ठलगायत ।

मनकामना-३ का ओमबहादुर आले मगर सिँचाइको व्यवस्था भएमा यस क्षेत्रका मानिसहरू फलफूल र तरकारी खेतीमा आकर्षित भएर रोजगारी सिर्जना हुने बताउँछन् ।

‘सिँचाइको व्यवस्था भयो भने यहाँका पाखाबारीमा फूलको खेती गरेर पनि धेरैले रोजगारी पाउँछन्, मनकामना मन्दिरमा चढाउने फूल बाहिरबाट ल्याउन पर्दैन,’ आलेले भने, ‘सिँचाइ भयो भने सुन्तला खेती पनि यहाँको पहिचान बनेको मनकामनाको सुन्तला पनि फस्टाउँछ ।’

ओमबहादुर आले ।

मनकामना मन्दिर परिसरमा फूलको व्यापार गर्ने स्थानीय खिला श्रेष्ठ मनकामना क्षेत्रमा अहिले पनि खानेपानीको समस्या रहेको गुनासो गरे । 

मनकामना उद्योग वाणिज्य संघका अध्यक्षसमेत रहेका स्थानीय हरि श्रेष्ठ मतदाताले आफ्नो भन्दा पनि राम्रो उम्मेदवार खोजिरहेको बताउँछन् । 

‘शहीद लखन गाउँपालिकाका धेरै वडामा पुगेको छु, विगत निर्वाचनमा गरिएको वाचा पूरा नभएको मतदाताको गुनासो सुनेको छु,’ श्रेष्ठले भने, ‘प्रसिद्ध धार्मिकस्थलको रुपमा रहेको मनकामना क्षेत्रको विकास गर्न सक्ने सक्षम अध्यक्ष आउनुपर्छ भन्ने मतदाताको भावना छ ।’ 

चुनावमा माओवादी, कांग्रेस र एमालेबीच त्रिपक्षीय प्रतिस्पर्धा हुने सम्भावना रहेको उनी बताउँछन् । 

हरि श्रेष्ठ ।

के भन्छन् उम्मेदवारहरू ? 

मनकामना मन्दिर  शहीद लखन गाउँपालिकाको वडा नम्बर २ र ३ मा पर्छ । 

केबलकार हुँदै मनकामना मन्दिर पुग्ने क्षेत्र वडा नम्बर ३ मा पर्छ भने मन्दिरभन्दा माथि लाइन लाग्ने क्षेत्र वडा नम्बर २ मा पर्छ । 

वडा नम्बर ३ को वडाध्यक्षका लागि एमालेका उम्मेदवार गणेश थापा मनकामना क्षेत्रलाई धार्मिकस्थलसहित पर्यटकीय स्थलको रुपमा विकास गर्ने योजना लिएर चुनावमा होमिएको बताउँछन् । 

‘विगतमा शुरू गरेका कामलाई पूरा गर्ने र मनकामना क्षेत्रको समग्र विकासको लागि म पुनः चुनावी मैदानमा उत्रिएको छु,’ थापाले भने, ‘यहाँको आवश्यकताअनुसार विकासका कामलाई अगाडि बढाउँछु ।’

गणेश थापा ।

वडामा भइरहेका नियमित कामका अतिरिक्त मनकामना मन्दिर क्षेत्र आसपासलाई धार्मिक पर्यटकीय क्षेत्रको रुपमा विकास गर्ने योजना बनेको बताउँछन् । मुग्लिन–पोखरा सडक विस्तारका क्रममा त्रिवेणीमा पुल बनिसकेपछि मनकामनासम्म पुग्ने बाटो पिच गर्ने योजना रहेको उनले सुनाए । 

‘मनकामना मन्दिरसम्म पक्की बाटो भएमा मानिसहरू आफ्नै गाडी लिएर पनि मन्दिरसम्म पुग्ने, त्यहाँ बस्ने भएकोले मनकामना क्षेत्रमा होटल व्यवसाय फस्टाउने र रोजगारी सिर्जना हुन्छ,’ उनले भने, ‘आगामी कार्यकालमा यो काम सम्पन्न गर्ने वाचा गरेको छु ।’ 

मनकामनामा केवलकार नहुँदा मानिसहरू आँबुखैरेनी हुँदै पैदल मार्गबाट जाने गर्दथे । अहिले त्यो क्षेत्रका कच्ची सडक बनेको छ । 

वडाध्यक्षका उम्मेदवार थापाले मनकामना क्षेत्रमा एक घर एक धाराको अवधारणा लिएर खानेपानी विस्तार गरिएको र धारा नपुगेको घरमा केही समयमा पुग्ने बताउँछन् । 

मनकामना क्षेत्रमा पर्ने शहीद लखन गाउँपालिकाको वडा नम्बर ३ मा कांग्रेसको तर्फबाट दीपक पाण्डे र माओवादीको तर्फबाट कृष्ण थापा चुनावी मैदानमा छन् । तीनै जना उम्मेदवारले घरदैलो गरिरहेका छन् । 

TATA Below
NLIC
साउन ३१, २०७९

गत स्थानीय चुनावको खर्च विवरण पेश नगर्ने देशभरका १ लाख २३ हजार ७८३ उम्मेदवारलाई कारवाही गर्न निर्वाचन आयोगले प्रक्रिया अगाडि बढाएको छ । निर्वाचनमा भएको सम्पूर्ण खर्चको विवरण तोकिए बमोजिमको ढाँचामा निर्वाचन प...

साउन ३१, २०७९

सभापति शेरबहादुर देउवाले केन्द्रीय सदस्य नबनाएपछि कांग्रेस नेतृ पार्वता डीसी चौधरीले पार्टी छाड्ने घोषणा गरेकी छन् । देउवाले मंगलबार १० जनालाई केन्द्रीय सदस्य बनाएलगत्तै उनले असन्तुष्टि जनाउँदै पार्टी परित्याग गर्न...

साउन ३१, २०७९

नेकपा (एमाले)का उपमहासचिव प्रदीप ज्ञवालीले नेकपा (एमाले) पाँच एजेण्डा लिएर चुनवाका लागि जनताकोमा जान लागेको बताएका छन् । उनले अहिलेको सरकारले चुनावी मिति तय गर्नु सकारात्मक भएको भन्दै एमाले पाँच वटा रणनीत...

साउन ३१, २०७९

चुनावी तालमेल गर्ने निर्णय गरेको सत्तारूढ ५ दलीय गठबन्धनको कार्यदलले सिट बाँडफाँटको हिसाबकिताब गरिरहेको छ । संसदीय चुनावको रापताप बढ्दै जाँदा गठबन्धनमा रहेका दलहरूले सकेसम्म धेरै सिटमा उम्मेदवारी दिने गर...

साउन ३१, २०७९

प्रतिनिधिसभा र प्रदेशसभा सदस्य निर्वाचनका लागि नयाँ र पुराना गरी ८४ दलले दर्ताको निवेदन दिएका छन् । सरकारले निर्वाचन आयोगको परामर्शमा यही साउन १९ गते आगामी मङ्सिर ४ गतेका लागि एकै चरणमा निर्वाचनको मिति घोषणा...

साउन ३१, २०७९

प्रमुख प्रतिपक्ष दल नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवाले श्रीमती र सालाहरू अगाडि सारेर देशमा भ्रष्टाचार गरिरहेको आरोप लगाएका छन् ।   पूर्व प्रधानमन्त्री समेत रहेका अध्यक्ष ओली...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x