प्रसिद्ध मन्दिर मनकामना मन्दिर रहेको गोरखाको शहीद लखन गाउँपालिकामा माओवादीका रमेशबावु थापा विजयी भएका छन् ।

नेपाली कांग्रेसका नारायणप्रसाद लामिछानेलाई १ हजार मतान्तरले पराजित गर्दै थापा अध्यक्षमा विजयी भएका हुन् । माओवादी उम्मेदवार थापाले ५ हजार ४ सय ७४ मत प्राप्त गर्दा कांग्रेसका लामिछानेले ४ हजार ४ सय ३२ मत पाएका छन् । 

उपाध्यक्षमा पनि माओवादीकै इन्दिरा तिवारी ४ हजार ९ सय ९६ मत पाएर विजयी भएकी छिन् । कांग्रेसकी शर्मिला श्रेष्ठले ४ हजार ४ सय ३२ मत पाइन । 

२०७४ सालमा ३ हजार ८ सय मतसहित विजयी भएका थापाले यसपटक मतपनि बढाएका छन् । पहिलो कार्यकालमा जनताको पक्षमा काम गरेकोले यसपटक पनि जनताले आफूलाई रोजेको थापाले बताए । 

पहिलो कार्यकालमा शुरु गरेका कामलाई दोस्रो कार्यकालमा पूरा गर्ने उनले बताएका छन् ।