११ साउन २०८३, सोमबार
अमेरिकी सांसद मार्जरी टेलर ग्रीनले युक्रेन सरकारलाई सहायता गर्नु सम्पत्ति शुद्धीकरण जस्तो भएको दाबी गरेकी छन् ।
न्युजवीकसँगको अन्तर्वार्तामा ग्रीनले यस्तो दाबी गरेकी हुन् ।
अमेरिकाले युक्रेन सरकारलाई ४० अर्ब डलर बराबरको सहायता उपलब्ध गराउन खोजेको छ । सांसदहरूले आफ्ना नातेदार र साथीभाइको गैरसरकारी संस्थामार्फत बजेट फन्ड खर्च गर्न खोजेको ग्रीन बताउँछिन् ।
अमेरिका र मेक्सिकोको सीमामा आइपुगेका आप्रवासीलाई सहायता गर्ने संस्थाहरूले पनि यस्तै काम गरिरहेको उनको भनाइ छ ।
जर्जिया राज्यकी रिपब्लिकन सांसद ग्रीनले युक्रेन सरकारलाई ४० अर्ब डलर पठाउने कुराको आफूले विरोध गर्ने बताइन् । यसले अमेरिकीहरूमा नराम्रो असर पार्ने उनको भनाइ छ ।
