काठमाडौं महानगरपालिकाको जारी मतगणनामा मेयरका स्वतन्त्र उम्मेदवार बालेन साहको मत ४७ हजार नजिक पुगेको छ । 

सोमवार दिउँसो पौने ४ बजेसम्म एक लाख ३७ हजार ४५२ मत गन्दा बालेनले ४६ हजार ९६६ मत ल्याएका हुन् । 

उनका निकटतम प्रतिद्वन्द्वी सत्ता गठबन्धनकी उम्मेदवार नेपाली कांग्रेसकी सिर्जना सिंहले २८ हजार १४१ मत पाएकी छन् । 

त्यस्तै नेकपा एमालेका केशव स्थापितले २७ हजार २८६ मत ल्याएका छन् ।

सिर्जनासँग बालेनको १८ हजार ८२५ को मतान्तर छ ।