युक्रेनका राष्ट्रपति भोलोदीमीर जेलेन्स्कीले युद्धविरामका लागि राखेका शर्तहरू असम्भव र मूर्खतापूर्ण भएको रुसको सुरक्षा परिषद्का उपाध्यक्ष दिमित्री मेदभेदेभले बताएका छन् ।

रुसी सैनिकहरूले फेब्रुअरी २४ पछि कब्जामा लिएका भूभागलाई छोडेर गए मात्र युद्धविराम हुने जेलेन्स्कीले बताएका थिए । 

तर मेदभेदेभले डोनबास क्षेत्रबाट रुसले आफ्ना सैनिक हटाउन नमिल्ने बताएको छ । स्थानीय बासिन्दाहरूको इच्छा मात्र रुसी सैनिकहरूका लागि महत्त्वपूर्ण भएको मेदभेदेभको भनाइ छ । 

युक्रेनले क्राइमिया र डोनबासलाई युक्रेनी भूभाग मान्नुपर्ने भनी तेर्स्याएको शर्त पनि मान्न नसकिने मेदभेदेभले बताए ।