कर्तव्य ज्यान मुद्दाका एक फरार आरोपीलाई प्रहरीले शुक्रवार भक्तपुरको चाँगुनारायणबाट पक्राउ गरेको छ । 

प्रहरीको केन्द्रीय अनुसन्धान ब्यूरोको टोलीले गोरखाको बोर्लाङका डिलबहादुर दराईलाई कर्तव्य गरी मारेको घटनाका फरार प्रतिवादी भक्तपुरको चाँगुनारायण नगरपालिका–८ सुडाल बस्ने ३८ वर्षका कैलास कार्कीलाई पक्राउ गरेको हो ।

घटना विक्रम संवत् २०६६ सालमा भएको थियो । उनलाई आवश्यक कारवाहीकाल लागि शुक्रवारै जिल्ला प्रहरी कार्यालय गोरखा पठाइएको ब्यूरोले सूचना जारी गरी जनाएको छ ।