०५ साउन २०८३, मंगलबार
भारत एटाका यामीन सिद्दिकी उत्तर प्रदेशका मुख्यमन्त्री योगी आदित्यनाथबाट प्रभावित छन् ।
योगीको यति ठूलो फ्यान हुन् कि उनले आफ्नो छातीमा ट्याटुसमेत बनाएका छन् । यामिन सराईघाट शहरमा बस्छन् । २३ वर्षीय यामीन सिद्दिकीले योगीद्वारा लागू गरिएका योजनाहरूले गरीबहरूलाई मद्दत गरिरहेको बताएका छन् । योगीले राम्रो सरकार चलाइरहेको भन्दै उनले भने, 'यसबाट प्रभावित भएर मैले यो ट्याटु बनाएँ ।'
उनको सराइघाटमा जुत्ता पसल छ । गैंगस्टर एक्टमा पक्राउ परेका पूर्व सपा विधायक रामेश्वरसिंह यादवसँगै उनका तस्वीरहरू पनि सामाजिक सञ्जालमा छन् ।
यामीन सिद्दिकीले आफ्नो फेसबुक आईडीबाट सपाको लागि प्रचार गरेका छन् । उनले अखिलेश यादव र सपाको चुनावी चिह्न साइकलको पोस्टर राखेका छन् । यसमा लेखिएको छ, ‘विकासको ढोका फुट्दै छ, अखिलेशमा फर्कौं ।'
यामीन सिद्दिकीले पूर्व सपा विधायक रामेश्वरसिंह यादवको चाँदीको मुकुट लगाएको तस्वीर फेसबुकमा शेयर गरेका छन् । यामीनको फेसबुक पोस्ट सपाको प्रशंसाले भरिएको छ ।
यद्यपि अहिले भने उनी योगीको तारिफ गरिरहेका छन् ।
