संखुवासभाको चैनपुर नगरपालिकामा आगलागीमा परेर १ वृद्धाको मृत्यु भएको छ ।

चैनपुर नगरपालिका–११ की ८६ वर्षीया मनमाया मगरको मृत्यु भएको ईलाका प्रहरी कार्यालय चैनपुरका प्रहरी निरीक्षक मिलन बस्नेतले जानकारी दिए ।

आगोबाट जलेर घाइते भएकी मगरको उपचारका  क्रममा जिल्ला अस्पताल संखुवासभामा मृत्यु भएको हो ।

खाना पकाउने क्रममा उनको लुगामा आगो सल्किएको थियो । उनी घरमा एक्लै बस्दै आएकी थिइन् ।