पतिले दोस्रो बिहे गरेपछि एक पत्नीले सञ्चारमाध्यममा घटना सार्वजनिक गरेकी छन्, जसमा परिचय गोप्य राखिएको छ ।

रेडिट पोस्टका अनुसार ती पतिपत्नीले बिहे गरेको २५ वर्ष भइसक्यो, दुवैबाट ३ बच्चा पनि छन् । तर पतिले बाहिर अर्कै बिहे गरेको १७ वर्ष पूरा भइसकेछ । दोस्रो बिहेबाट पतिले २ बच्चा समेत जन्माइसकेको पत्नीले खुलासा गरेकी छन् ।

उनले भनेकी छन्, ‘म पूरै टुटिसकें । पछिल्लो १७ वर्षदेखि पतिको बाहिर चक्कर चलिरहेको रहेछ । हाम्रो बिहे भएको २५ वर्ष भइसक्यो, ३ बच्चा छन्, २ कलेजमा छन् भने १ घरमै छन् । तर मेरो पतिको अर्काे परिवार पनि रहेछ ।’

पतिको दोस्रो परिवार पनि रहेको पोल खोल्न सामाजिक सञ्जाल फेसबूक सहयोगी बनेको छ । फेसबूक खोलेको केही दिनमै उनले पतिको कर्तुतबारे थाहा पाएकी हुन् । फेसबूकमा आफ्ना पतिको नाम खोज्दा उनले अर्कै महिलासँग नाम जोडिएको फेला पारिन्, त्यसभित्र फोटोहरू हेर्दा उनले आफ्नै पति अर्कै महिलासँग रमाइरहेको र चुम्बन गरेको तस्वीर समेत देखिन् ।

उनका पति यतिबेला घरमा छैनन् । तर उनलाई थाहा छैन – पति घरमा आएपछि अब कसरी सामना गर्ने ?