रोल्पामा खुकुरी प्रहार गरेर २ जनाको हत्या भएको छ । जिल्ला प्रहरी कार्यालयका प्रमुख प्रहरी नायब उपरीक्षक (डीएसपी) विनोद घिमिरेका अनुसार दुवै जनाको धारिलो हतियार प्रहार गरेर हत्या गरेको देखिएको छ । 

‘उहाँहरूलाई खुकुरी हानेर हत्या गरेको देखिन्छ । अहिले हामीले पोष्टमार्टको लागि जिल्ला अस्पताल पठाएका छौँ,’ डीएसपी घिमिरेले लोकान्तरसँग भने । 

उनका अनुसार पुरुषको हात, कान र घाँटीमा तथा महिलाको घाँटीमा खुकुरी प्रहार गरिएको छ ।

धारिलाे हतियार प्रहार गरी हत्या गरिएकामा रोल्पाको परिवर्तन गाउँपालिका–२ का २५ वर्षीय दुर्गाबहादुर पुन र ३७ वर्षीया पार्वती पुन रहेका छन् । उनीहरूकाे शव हिजो (बुधवार) फेला परेको थियो ।

प्रहरीका अनुसार उनीहरू माडी गाउँपालिका–३ तालाबाङमा कुखुरा पाल्न बनाइने टहरामा बस्दै आएका थिए ।