पुस ८, २०८०
शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...
भैरहवाको गौतमबुद्ध विमानस्थल सञ्चालनमा गर्न नेपाल नागरिक उड्डयन प्राधिकरणलाई मुश्किल परिरहेको छ ।
विमानस्थल निर्माण र जग्गा अधिग्रहणसहितमा ३२ अर्ब रुपैयाँभन्दा बढी लगानी भएको छ । विमानस्थल सञ्चालनमा आएको ५ महिनासम्म पनि एउटा मात्रै अन्तर्राष्ट्रिय वायुसेवाको उडान हुनु, त्यसमा पनि तालिका कटौती हुनु र नयाँ वायुसेवाको रुचि कम हुनुले प्राधिकरणलाई थप कठिनाइ हुने देखिएको छ ।
यो विमानस्थल सञ्चालनसँगै २ जेठबाट उडान शुरू गरेको कुवेतको वायुसेवा जजिराले एक महिनामा नै उडान तालिका कटौती गरेको छ । सातामा ३ वटा उडानबाट शुरू गरेको जजिराले दैनिक उडान गरेको एक महिनामा नै प्राविधिक कारण देखाएर उडान सातामा २ वटामा झरेको छ ।
जजिराले उडान शुरू गरेको ४ महिनापछि ३१ भदौबाट दैनिक उडान शुरू गरेको थियो । दैनिक उडान शुरू गरेको तीन सातामात्रै पुगेको छ ।
जजिराले दैनिक उडान शुरू गरेको एक महिना नपुग्दै असोज २६ (बुधवार)बाट दैनिक उडान रोकेको गौतमबुद्ध अन्तर्राष्ट्रिय विमानस्थलका महाप्रबन्धक गोविन्दप्रसाद दाहालले बताए ।
उनका अनुसार आजैबाट दैनिक उडान कटौती भएको छ ।
अब यसले ३ दिन पछि (२९ असोज)लाई मात्रै उडान राखेको छ । दाहालले भने, ‘वायुसेवाले अपरेसन रिजन देखाएको छ । थप कारण स्पष्ट भने पारेको छैन् ।’
उडान कटौती गर्नुमा यात्रु नहुनु र अरू समस्या समेत देखिएको दाबी दाहालको छ ।
वायुसेवा कम्पनीको आफ्नै कारण हुनसक्ने र दैनिक उडान कटौती केही समयलाई मात्रै हुने दाहालको विश्वास छ । त्यसपछि पुनः उडान सुचारु हुन सक्ने दाहालले बताए ।
भैरहवाबाट उडानमा देखिएका केही प्राविधिक समस्या समाधान गर्दै अगाडि बढ्नुपर्ने चुनौती छ । भैरहवामा श्रम कार्यालय खुलेको भएपनि दोहोर्याएर जानेलाई मात्रै श्रम स्वीकृति दिइएको छ । पहिलोपटक जानेलाई श्रम स्वीकृति दिइएको छैन ।
भारतीय नागरिकको नो अब्जेक्सन लेटर (एनओसी), हवाई रुट व्यवस्थापनमा सहजता हुन नसक्दा पनि अपेक्षा अनुसारको उडान भैरहवाबाट हुन नसकेको दाहालले बताए ।
यो विमानस्थलमा आगामी १३ कात्तिकदेखि हंगेरीको बिज एयरलाइन्सले उडान गर्ने इच्छा देखाएको छ । यसले संयुक्त अरब इमिरेट्स (यूएई) को अबुधावी–काठमाडौं हप्तामा ३ वटा उडान गर्ने तय भइसकेको छ । यो समयमा दैनिक उडान गरिरहेको जजिराले उडान कटौती गर्नुलाई गम्भीर रूपमा हेरिएको छ ।
भैरहवाबाट उडानमा अन्य निकाय र राज्य विभिन्न संयन्त्रले सहजीकरण नगरिदिएको गुनासो प्राधिकरणको छ । नेपाल नागरिक उड्डयन प्राधिकरणका प्रवक्ता जगन्नाथ निरौला भैरहवाबाट उडान गर्न सबै पक्षलाई सहजीकरण नगरिदिँदा समस्या भएको बताउँछन् ।
उनले राज्यका सबै पक्षको सहयोगले विमानस्थल सञ्चालन सहज हुने भएकाले सोहीअनुसार सहजीकरण गरिदिन आग्रह गरे । निरौलाले भने, ‘प्राधिकरणले आफूले गर्नुपर्ने दायित्व पूरा गरिरहेको छ । विमानस्थल चलाउने विषय बनाएर मात्रै हुँदैन । राज्यका सबै निकायको सहयोग पनि चाहिन्छ ।’
प्राधिकरणले भने यो विमानस्थल सञ्चालन गर्न वायुसेवाले १५ नोभेम्बरदेखि पाउने विन्टर शेड्युल स्वीकृति गर्दा भैरहवा उडान गर्ने योजना पनि पेश गर्नुपर्ने बाध्यात्मक व्यवस्था गर्ने बताएको छ । यस्तो व्यवस्था अनुसार प्राधिकरणले काठमाडौंमा दैनिक २ भन्दा बढी उडान गर्ने वायुसेवालाई एउटा उडान भैरहवामा गर्नुपर्छ भनेको छ । यो विषयमा सम्बन्धित वायुसेवा सकारात्मक रहेको दाबी निरौलाको छ ।
उनका अनुसार भैरहवाबाट उडान बढाउनका लागि श्रम स्वीकृतिमा सहजीकरण, वायुसेवा निगमले प्राधिकरणले भनेजस्तै ग्राउन्ड ह्यान्डलिङ छूट, यातायातले यात्रुलाई सहज आवतजावतको सुविधा दिनेसहितको व्यवस्था गर्नुपर्ने अवस्था छ ।
राज्यको विदेशी ऋण लिएर सञ्चालन गरेको यो राष्ट्रिय गौरवको आयोजनामा अन्य निकायको सहयोग नहुँदा अहिले केही चुनौती देखिएको पनि निरौलाले बताए ।
शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...