भारतका प्रधानमन्त्री नरेन्द्र मोदी ८ वर्षदेखि सत्तामा छन् तर उनको समग्र लोकप्रियता घटेको छैन ।

न्युज एजेन्सी आईएएनएस र सर्वे एजेन्सी सी–भोटरको संयुक्त सर्वेक्षणमा मोदीलाई सबैभन्दा बढी छत्तीसगढका जनताले रुचाएका छन् । त्यहाँका ९३.३ प्रतिशत जनताले मोदीलाई रुचाएको सर्वेक्षणमा देखिएको छ ।

मोदीलाई मन नपराउनेमा गोवाका जनता धेरै देखिएका छन् । गोवाका ३५.८ प्रतिशत जनताले मोदीलाई मन पराएका छैनन् भने ६४.२ प्रतिशत जनताले मोदीलाई मन पराएका छन् ।

समग्रमा भारतभर मोदीको लोकप्रियता ६० प्रतिशतभन्दा बढी देखिएको छ । मोदीलाई मन नपराउने धेरै जनता रहेका ५ प्रदेशमा गोवा, पञ्जाब, तमिलनाडु, झारखण्ड र कर्नाटक रहेका छन् । यी प्रदेशमा पनि मोदीलाई ६०% बढी जनताले मन पराएका छन् ।