एउटा मात्र निर्वाचन क्षेत्र रहेको सोलुखुम्बुको प्रदेश सभा ‘ख’ मा नेकपा एमालेका बुद्धिकुमार राजभण्डारी निर्वाचित भएका छन् । सत्ता गठबन्धनका तर्फबाट नेकपा माओवादी केन्द्रका उम्मेदवार शिवकुमार बस्नेतलाई पराजित गर्दै राजभण्डारी प्रदेश सभा सदस्य पदमा निर्वाचित भएका हुन् । 

राजभण्डारीले १० हजार १ सय २८ मत ल्याउँदा निकटतम प्रतिस्पर्धी बस्नेतले ६ हजार ८ सय १५ मत ल्याएका छन् । राजभण्डारीले बस्नेतलाई ३ हजार ३ सय १३ मत अन्तरले पराजित गरेका हुन् । कुल १९ हजार ९ सय ४ मत खसेको यस प्रदेशमा एमालेका राजभण्डारी दोस्रो पटक निर्वाचित भएका हुन् । जनता समाजवादी पार्टीका उम्मेदवार महेश रानामगरले १ हजार ९०, राप्रपाका प्रेमहरी दाहालले ३ सय ४८, मंगोल नेशनल अर्गनाईजेसनका शान्तिमाया मगरले ८१ मत र नेमकिपाका कमलबहादुर मगरले ९० मत ल्याएका छन् ।

यसअघि पनि राजभण्डारी वाम गठबन्धनकातर्फबाट प्रदेश सभा सदस्य पदमा निर्वाचित भएका थिए । उनी प्रदेश १ मा एमालेका प्रमुख सचेतक समेत बनेका थिए ।