०३ साउन २०८३, आइतबार
वर्षाका कारण खेल हुन नसकेपछि नेपाल र साउदी अरेबियाले अंक बाँडेका छन् ।
एसीसी मेन्स प्रिमियर कपअन्तर्गत मूलपानी मैदानमा हुनुपर्ने खेल वर्षाका कारण रद्द भएपछि दुवै टोलीले एक-एक अंक बाँडेका हुन् ।
यससँगै नेपाल अन्तिम खेलअगावै ५ अंकसहित प्रतियोगिताको सेमीफाइनलमा प्रवेश गरेको छ ।
अन्तिम खेल कीर्तिपुरमा कतारसँग हुनेछ । समूह विजेताको टुंगो उक्त खेलबाट लाग्नेछ ।
नेपालपछि ओमान ४ अंकसहित अंकतालिकाको दोस्रो स्थानमा छ ।
१० टोली सहभागी यस प्रतियोगिताको विजेताले भारत र पाकिस्तानकै समूहमा रहेर एसिया कप खेल्नेछ ।
