कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
काठमाडाैं | साउन २४, २०८०
नेपाली युवा/युवतीलाई विभिन्न प्रलोभनमा पारी म्यानमार पुर्याएर ‘अनलाइन स्क्यामिङ’सहितका अपराध कर्ममा लगाउने गिरोह नै सक्रिय रहेको पाइएको छ ।
चिनियाँ नागरिक जोनसन भनिने लियाङ जनसहितले थाइल्यान्ड पठाउने भन्दै नेपाली युवा/युवतीलाई म्यानमार पुर्याउने र त्यहाँ अवैध क्रियाकलापमा सहभागी गराउने गरेको खुलेको हो ।
त्यति मात्र हैन, आफूले भनेको नमान्दा नग्न भएर भिडियो कल गर्न लगाउने र विभिन्न किसिमका धम्की दिने गरेको समेत पीडितहरूले बताएका छन् ।
चिनियाँ नागरिकहरूको ‘चंगुल’बाट फुत्किएर नेपाल आइपुगेकी एक युवती र अन्य पीडितका आफन्तहरूले दिएको उजुरीका आधारमा काठमाडौं जिल्ला अदालतमा मुद्दा समेत पुगिसकेको छ ।
‘पछिल्लोसमय टुरिस्ट भिसाका नाममा मानव तस्करहरूले म्यानमार पुर्याएर नेपाली युवा/युवतीलाई अपराधमा लगाउने गरेको पाइएको छ,’ नेपाल प्रहरीको मानव बेचबिखन अनुसन्धान ब्यूरोका प्रमुख प्रहरी वरिष्ठ उपरीक्षक (एसएसपी) जीवनराम श्रेष्ठले भने ।
म्यानमार पुर्याइएका २६ जनाका आफन्त आफ्ना मान्छे फसेको भन्दै ब्यूरोमा पुगेका छन् । ५ वटा जाहेरी परेको छ ।
यसरी म्यानमार पुर्याइन्छन् नेपाली युवायुवती
काठमाडौंकी– २६ वर्षीया विनिता (नाम परिवर्तन) कामको खोजीमा थिइन् । खान/बस्नका लागि कमाइ आवश्यक थियो ।
उनले साथीहरूलाई काम खोजिदिन आग्रह गरेकी थिइन् ।
त्यसैक्रममा एक साथीमार्फत चिनियाँ नागरिकले लगानी गरेको वाईवाईपी नामक कम्पनीमा काम पाइन् ।
३ महिनाको तालिमपछि उनले ‘नेल आर्ट’ र मसाज गरेबापत मासिक १५ हजार पाउने गरी काम शुरू गरिन् । त्यसैगरी उनले करीब १ वर्ष बिताइन् ।
एक दिन कम्पनीका सञ्चालक चिनियाँ नागरिक जोनसन भन्ने लियाङ जन (पासपोर्ट नम्बरः ई९९९९४४२१) ले थाइल्यान्डमा मासिक १ लाख ५० हजार रुपैयाँ पाउने गरी जागिरको अफर आएको बताए ।
इच्छुकले खबर गर्न सक्ने भनेर प्रलोभन देखाए । स्वाभाविक रूपमा विनिता पनि उक्त प्रस्तावमा लोभिइन् । घरमा सल्लाह गर्दा उनकी बहिनी (परिवर्तित नाम : २६ बबरमहल– १९०) पनि थाइल्यान्ड जान राजी भइन् ।
जनले प्रतिव्यक्ति १ लाख रुपैयाँ लाग्ने र खान/बस्नका लागि कम्पनीले नै व्यवस्था गर्ने बताएका थिए । विनिता र उनकी बहिनीले आवश्यक पर्ने सबै प्रक्रिया पूरा गरे । चिनियाँ नागरिक जनले ४/४ वटा पासपोर्ट साइजको फोटो र राहदानीको फोटोकपी मागेका थिए ।
भनेअनुसार कागजात बुझाएको करीब ३ हप्तापछि विनिताकी बहिनीको भिसा आएको बताइयो । भिसा आएपछि १ लाख रुपैयाँ बुझाएको विनिता बताउँछिन् ।
भनेअनुसार नै बहिनी थाइल्यान्ड पुगिन् । उताबाट काम पनि पाएको बताइन् । त्यसपछि विनिताको भिसा आयो । उनले पनि एक लाख रुपैयाँ बुझाइन् ।
२०७९ भदौ ९ गते विनितासहित ११ जना त्रिभुवन अन्तर्राष्ट्रिय विमानस्थलबाट थाइल्यान्ड उडे ।
उनीहरूलाई अप्ठ्यारो पर्दा ‘वी च्याट’ ९८६६६६६६६३ नम्बर मा कुरा गर्न भनिएको थियो । साथमा २०० अमेरिकी डलर बोक्न निर्देशन दिइएको थियो ।
थाइल्यान्ड पुगेपछि एक चिनियाँ नागरिक उनीहरूलाई लिन आए । त्यहाँ उनीहरूको मोबाइल मागियो र फर्म्याट गरेर दिइयो ।
त्यसपछि उनीहरूलाई भ्यानमा राखेर केही घण्टाको यात्रा गराइयो । भ्यानबाट झरेपछि थाहा भयो, म्यानमार पुर्याइएछ ।
त्यहाँ करीब ३०/३२ वर्षका एक चिनियाँ नागरिकले उनीहरूको पासपोर्ट र मोबाइल जफत गरे ।
विनिताले ‘थाइल्यान्ड भनी म्यानमार ल्याउनुभएछ, खै मेरो बहिनीसँग भेट गराउनुस्’ भनिन् । ती चिनियाँ नागरिकले बहिनीसँग एक-दुई दिनमा भेट हुने बताए ।
साथै म्यानमारमा अझै धेरै कर्मचारी आवश्यक रहेकाले कम्प्युटरमा टाइप गर्ने कामका लागि ल्याइएको बताए ।
पछि अमेरिकामा रहेका पुरुषहरूसँग च्याट गरेर बिटक्वाइनमा लगानी गराउन भनियो । गलत काममा लगाउन लागेको थाहा पाएपछि आफूहरूलाई पठाउने व्यक्तिसँग कुरा गर्न खोज्दा उसले फोन नउठाएको विनिता बताउँछिन् ।
राति ९ बजेपछि फेसबूक, ह्वाट्सएप, ट्विटर र इन्स्ट्राग्राममार्फत विभिन्न व्यक्तिसँग प्रत्यक्ष कुराकानी तथा च्याट गर्न बाध्य बनाएको विनिताले सरकारी वकिलको रोहबरमा प्रहरीले लिएको बयानमा बताएकी छन् ।
राम्रोसँग खान पनि नदिई काम लगाउने, मानसिक र शारीरिक यातना दिने गरेको उनको बयान छ । विना पारिश्रमिक १८ घण्टासम्म काम गराउन थालेपछि विनिता बिरामी परिन् ।
उनलाई अस्पताल भर्न गरेर २० दिनसम्म राखियो । राम्रो उपचार नपाए ज्यानै जाने भनेर चिकित्सकहरूले बताएको उनको बयान छ ।
नेपाल फिर्ता जान्छु भन्दा १ लाख ५० हजार थाई भाट तिर्नुपर्ने भनेर रोकियो । धेरै नै बिरामी पर्न थालेपछि जाँदा लगेको पैसा बुझाएर उनलाई नेपाल आउन दिइयो ।
उनी त नेपाल फर्किइन्, तर बहिनी म्यानमारमै थिइन् । नेपाल फर्किएर उपचार गरी ठीक भएको थाहा पाएपछि फेरि म्यानमार फर्किन दबाब दिन थालिएको उनको बयान छ ।
उनीहरूले बहिनीलाई डर/त्रास देखाएर म्यानमार फर्किन विनितालाई दबाब दिइरहे । भनेको नमाने बहिनीलाई यातना दिइने गरेको उनले बताएकी छन् ।
त्यसपछि आफूलाई निर्वस्त्र भएर वीच्याटमा शरीरका गोप्य अंग देखाउन लगाएको समेत उनको बयान छ । उनकी बहिनी अहिलेसम्म पनि म्यानमारमा चिनियाँ दलालको जञ्जालमा छिन् ।
मानव बेचबिखन ब्यूरोले प्रहरी प्रधान कार्यालय हुँदै गृह र परराष्ट्र मन्त्रालयमार्फत उद्धारका लागि पहल गरेको ब्यूरोका प्रमुख एसएसपी जीवनराम श्रेष्ठले लोकान्तरलाई बताए ।
विनिताले दिएको उजुरीका आधारमा चिनियाँ नागरिक जोनसन भनिने लियान जनलाई पक्राउ गरी अदालतमा मुद्दा दायर गरिएको छ ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...