काठमाडौं उपत्यकामा बिहीवार मेडिकल व्यवसायी दुर्गा प्रसाईंको नेत्तृत्वमा प्रदर्शन हुँदैछ ।  

राष्ट्र, राष्ट्रियता, धर्म, संस्कृति र नागरिक बचाउ महाअभियान, नेपालले आयोजना गरेको उक्त प्रदर्शनमा भाग लिन देशका विभिन्न क्षेत्रबाट मानिसहरू राजधानी आएका छन् ।

उनीहरूलाई बुधवार साँझ र प्रदर्शन हुने दिन बिहीवार बिहान खानाको व्यवस्था गरिएको छ । दिउँसोदेखि भने उनीहरूले खाजा र खानाको व्यवस्था आफैँ गर्नुपर्ने अभियानले जनाएको छ ।

खानामा दाल, भात र भुटेको आलु समावेश भएको तस्वीरमा देख्न सकिन्छ ।

मेडिकल व्यवसायी प्रसाईंले बिहीवार काठमाडौंमा गर्ने प्रदर्शनमा धार्मिक झण्डा र राष्ट्रिय झण्डाबाहेक अन्य झण्डा प्रयोग गर्न निषेध गरिएको छ ।

प्रसाईं नेत्तृत्वको राष्ट्र, राष्ट्रियता, धर्म, संस्कृति र नागरिक बचाउ महाअभियानले बुधवार साँझ एक विज्ञप्ति जारी गर्दै यसको जानकारी दिएको हो ।

र्यालीको अग्र स्थानमा धर्मगुरूहरू, ओमकार परिवार, नाथ लगायतलाई राखेर त्यसपछि आमनागरिक पछि लाग्ने सहप्रवक्ता राजानन्द माण्डव्यले जनाएका छन् ।

यसैबीच, महाअधियानले बिहीबार बिहान १०ः३० बजे शुरू हुने र्यालीको तालिकासमेत सार्वजनिक गरेको छ । जसमा रुट नम्बर र समेटिने क्षेत्र र भेला हुने स्थान तथा प्रस्थान गर्ने समयसमेत दिइएको छ ।

प्रदर्शन कार्यक्रम जिल्ला प्रशासन कार्यालय, काठमाडौंले तोकेबमोजिम बल्खुमा हुनेछ ।

यता, पूर्वएमालेसमेत रहेका मेडिकल व्यवसायी प्रसाईंसँगै एमाले नेता महेश बस्नेतले पनि बिहीवार काठमाडौंमा बिहीवार छुट्टाछुट्टै प्रदर्शन गर्ने भएका छन् । सम्भावित झडपलाई लिएर सुरक्षा निकायहरू यतिबेला ‘हाई अलर्ट’मा छन् । 

काठमाडौंको एक पार्टी प्यालेसमा खाना खाइरहेका प्रसाईंका समर्थकः