संस्थागत सामाजिक उत्तरदायित्व कार्यक्रमअन्तर्गत नेपाल लाइफ इन्स्योरेन्स कम्पनीले काठमाडौं उपत्यका ट्राफिक प्रहरी कार्यालयलाई १८ लाख रुपैयाँ बराबरका १९० थान चेकिङ बोर्ड प्रदान गरेको छ । 

काठमाडौं उपत्यकाको विभिन्न स्थानमा ट्राफिक व्यवस्थापन र दुर्घटना न्यूनीकरणका लागि चेकिङलाई थप व्यवस्थित र सुरक्षित बनाउन ट्राफिक प्रहरीलाई चेकिङ बोर्ड प्रदान गरिएको कम्पनीले जनाएको छ । 

काठमाडौं उपत्यका ट्राफिक प्रहरी कार्यालय, रामशाहपथमा बिहीवार आयोजित एक विशेष समारोहमा कम्पनीका प्रमुख कार्यकारी अधिकृत प्रवीणरमण पराजुलीले ट्राफिक कार्यालयका प्रमुख प्रहरी नायव महानिरीक्षक पोषराज पोखरेललाई चेकिङ बोर्ड हस्तान्तरण गरेका हुन् ।