प्रधानसेनापति प्रभुराम शर्मा र नेपालका लागि मंगोलियाका गैर आवासीय राजदूत गानबोल्ड डम्बजाभबीच भेटवार्ता भएको छ । 

उनीहरूबीच शुक्रवार जङ्गी अड्डामा शिष्टाचार भेटवार्ता भएको सैनिक जनसम्पर्क निर्देशनालयले जनाएको छ ।

प्रधानसेनापतिको कार्यकक्षमा भएको भेटवार्तामा आपसी चासोका विषयमा छलफल भएको थियो ।

यस किसिमका भेटवार्ताले दुई देशबीचको सम्बन्ध थप सुमधुर एवं प्रगाढ बनाउन मद्दत पुग्ने विश्वास नेपाली सेनाले लिएको छ ।