स्याङ्जाको एक जंगलमा शनिवार दिउँसो भीषण आगलागी भएको छ । 

कालीगण्डकी गाउँपालिका– ५ बास्टारी र लुङ्सिङको बीच जङ्गलमा दिउँसो १ः३० बजेबाट भीषण आगलागी भइरहेको हो ।

गाउँ बस्तीसम्म आगो फैलिन लागेकोले निभाउनका लागि प्रहरी टोली पठाइसकिएको जिल्ला प्रहरी कार्यालय स्याङ्जाका एसपी शालिग्राम शर्माले लोकान्तरलाई जानकारी दिए । 

साथै आगो निभाउन स्थानीबासी पनि जुटेको बताइएको छ । 

सुख्खा मौसम लागेयता चैतदेखि नै आगलागीका घटना बढिरहेका छन् ।