×

सहकारी ठगी प्रकरण

आधा महिना बित्दा पनि अलमलमा सहकारी छानबिन समिति, संयोजक पार्टी काममै व्यस्त

काठमाडाैं | जेठ ३२, २०८१

‘सहकारी संस्था बचत रकम दुरुपयोग सम्बन्धमा (गठित) संसदीय छानबिन विशेष समिति’ले अझै औपचारिक काम थाल्न सकेको छैन । 

प्रमुख प्रतिपक्षी नेपाली कांग्रेसको मागअनुसार सत्तारुढ र विपक्षी दलले १५ जेठमा ७ सदस्यीय समिति गठन गरेका थिए । तर, गठन भएको १५ दिन बितिसक्दा पनि समितिले औपचारिक रूपमा काम थालेको छैन ।


Advertisment

समिति बनेको ८ दिनपछि जेठ २३ गते सभामुख देवराज घिमिरेसहित समितिको पहिलो बैठक संसद् भवनकै ल्होत्से हलमा बसेको थियो । त्यसपछि थप एउटा बैठक बसे पनि अझै पनि समितिले औपचारिक काम थालेको छैन । 


Advertisment

समिति सदस्य ईश्वरी न्यौपानेले अनौपचारिक रूपमा भने काम थालेको दाबी गरिन् ।

‘यो बीचमा संयोजकको व्यस्तता र बजेटमाथिको छलफलले गर्दा काम थाल्न अलिकति ढिला भएको छ,’ न्यौपानेले भनिन्, ‘हामीले १५ दिनको बीचमा २ वटा बैठक गर्‍यौं । कार्यविधि र कार्ययोजना बनाउने विषयमा अन्तिमतिर पुगेका छौं । अब असार २ गते कार्यविधि र कार्ययोजनालाई अन्तिम रूप दिएपछि फटाफट काम गरेर अनुसन्धान सक्ने लक्ष्य छ ।’ 

समितिका अर्का सदस्य लेखनाथ दाहालले पनि जनशक्ति, कार्यविधि र कार्यालयको व्यवस्थापन लगायत काम भएको जानकारी दिए । 

‘सहकारी छानबिनमा औपचारिक अनुसन्धानको प्रक्रिया शुरू भएको छैन । तर, जनशक्ति, कार्यविधि र कार्यालयको व्यवस्थापन गरेर अनौपचारिक कामको थालनी भएको छ,’ उनले भने, ‘समस्या देखिएका र हामीलाई ४ बुँदे टीओआर दिइएबमोजिम २९ वटै सहकारीबाट फाइल मगाउन सचिवालयलाई निर्देशन दिइसकेका छौं ।’

सिंहदरबारमा समितिका लागि कार्यालय बनाइको छ । सहसचिव वविता मिश्रको नेतृत्वमा उपसचिव, शाखा अधिकृतसहितको टीमले अनौपचारिक काम गरेको दाहाल बताउँछन् । 

‘सचिवालयमार्फत डकुमेन्ट मगाएका छौं । छानबिनका क्रममा आवश्यक पर्दा अर्थ मन्त्रालय, महालेखा, नेपाल राष्ट्र बैंक मात्रै होइन, अन्यत्रबाट पनि सहयोग लिन्छौं,’ दाहालले भने, ‘पुरानो कार्यदलसँग संयुक्त बैठक बसेर कार्यविधिलाई फाइनल गरेपछि असार २ गतेदेखि हामी प्रभावकारी रूपले काम अगाडि बढाउने तयारीमा छौं ।’

अनुसूचीका ९ वटा सहकारी विशेष प्राथमिकतामा 

समितिले सहकारीमा भएको अर्बौं घोटालाका सम्बन्धमा ४ बुँदे टीओआरमा रहेर छानबिन गर्नेछ, जसमा सहकारी संस्थाहरूमा देखिएको संकट तथा यससँग जोडिएको कानूनी र संस्थागत प्रयोजन एवं वित्तीय प्रणालीको नियमन, सुपरीवेक्षण र पारदर्शिता सम्बन्धमा अध्ययन गर्ने तथा सुझाव दिने काम गर्नेछ । 

साथै, समस्यामा परेका सहकारी संस्थाका बचतकर्ताको बचत रकम सुरक्षा गर्न, जोखिममा रहेको तथा दुरुपयोग भएको बचत रकम छिटो र सहज ढंगले फिर्ता गर्न पनि उपाय सुझाउनेछ । 

यतिमात्रै होइन, २९ सहकारी संस्थामध्ये अनुसूची २ मा राखिएका ९ वटा सहकारीको विषयमा विशेष छानबिन गर्ने जानकारी समिति सदस्य न्यौपानेले दिइन् । 

‘सहकारी प्रकरणमा गृहमन्त्रीको संलग्नताको विषय नआएको भए यस्तो संसदीय समिति होइन राज्यकै संयन्त्रले छानबिन गर्न सक्थ्यो,’ न्यौपानेले भनिन्, ‘तर, गृहमन्त्रीको पनि विषय आएकाले टीओआर बनाउँदा नै ९ वटा सहकारीलाई विशेष हेर्ने भनिएको छ ।’

पेचिलो ४ नम्बर बुँदा

यो ९ वटा सहकारीमा सूर्यदर्शन, स्वर्णलक्ष्मी, सुप्रिमलगायत छन् । यिनै सहकारीमार्फत् गृहमन्त्री रवि लामिछाने संलग्न रहेको गोर्खा मिडियामा करोडौं रकम आएको दाबी गरिएको छ । यसैले रवि संलग्न भएको गोर्खा मिडियामा केन्द्रित भएर छानबिन गर्ने टीओआरको चौथो बुँदामा उल्लेख छ । 

‘गोरखा मिडिया नेटवर्क प्रालिलगायत अन्य कम्पनी वा संस्थामा प्रवाह भएको रकमको स्थिति । सो रकम गैरकानूनीरूपमा प्रवाह भए/नभएको र त्यस्तो गैरकानूनी वा अनुचित कार्यमा कोही संलग्न देखिएमा त्यस्ता व्यक्तिहरूको बारेमा अध्ययन र छानबिन गरी जोखिममा परेको रकम असुलीको उपाय र संलग्न देखिएका व्यक्तिहरूलाई कानूनबमोजिम कारबाहीका लागि आवश्यक सिफारिस गर्ने,’ टीओरको चौथो बुँदामा उल्लेख छ । 

समिति सदस्य न्यौपानेले पहिलो बैठक बस्न ढिलाइ भएर औपचारिक कामको थालनी नभए पनि तीन महिनाको अवधिअगावै प्रतिवेदन बुझाउने दाबी गरिन् ।

‘जेठ २३ गते पहिलो बैठक बसेपछि समितिको ३ महिने समयावधि शुरू भएको छ,’ न्यौपानेले भनिन्, ‘अब असार २ गते कार्ययोजना सार्वजनिक गर्दै पाएको समयको २ दिन अगाडि नै प्रतिवेदन दिनेगरी काम गर्छौ ।’

सांसदहरूमात्रै समितिमा हुँदा राजनीतिक जस्तो देखिए पनि आवश्यक विषयमा विज्ञहरूसँग पनि छलफल गर्ने जानकारी उनले दिइन् । 

‘४ बुँदेले धेरै कुरा प्रस्ट्याएको छ । केहीमा अलमल भए पनि यसलाई टुंग्याएर प्रभावकारी अनुसन्धान गर्छौं,’ न्यौपानेले भनिन्, ‘हामी सांसदले मात्रै काम गर्दैनौं । अध्ययन/अनुसन्धान गर्दै जाँदा आउने प्राविधिक विषयमा सरोकारवाला विज्ञसँग पनि छलफल गर्छौं ।’

समितिको संयोजक एमालेका सूर्य थापा छन् । सदस्यमा एमालेकै सरिता भुसाल, प्रमुख प्रतिपक्षी दल कांग्रेसबाट बद्री पाण्डे र ईश्वरी न्यौपाने, माओवादीबाट लेखनाथ दाहाल, रास्वपाबाट शिशिर खनाल र राप्रपाबाट ध्रुवबहादुर प्रधान छन् । 

समिति संयोजक थापा यसअघि लामो समय प्युठान एमालेको जिल्ला अधिवेशनमा व्यस्त भए । बीचमा दुईवटा बैठक गराएर उनी फेरि गुल्मीको एमाले जिल्ला अधिवेशनमा सक्रिय भएका थिए । ‘संयोजकले नै पहिले बैठक राख्नुभएन । उहाँ पार्टीको कार्यक्रममा लाग्नुभयो । बीचमा बजेटको छलफल भयो । दुईवटा बैठक पनि भए,’ समितिमा अर्का एक सदस्य भन्छन्, ‘तर हामीले अहिलेसम्म संयोजकले नियत राखेर बैठक बोलाउनु भएन भनेका छैनौं । अब २ गतेपछि पनि नियमित बैठक बसेर छानबिन अगाडि बढेन भने हामी थप सचेत हुनुपर्छ ।’

मुख्यगरी टीओआरको ४ नम्बर बुँदाको व्याख्याअनुसार गृहमन्त्री रवि लामिछाने संलग्न भएका सहकारीको छानबिन गर्नुपर्ने छ । यस्तोमा समितिको काम पेचिलो हुने देखिन्छ । गृहमन्त्रीलाई नै बोलाएर छानबिन गर्नुपर्ने अवस्था आए कसरी अगाडि बढ्ने भन्नेमा समस्या आउन सक्ने देखिएको छ । 

सत्ता समीकरणमा २१ सिटसहित बलियो र निर्णायक हिस्सा ओगटेका कारण पनि प्रधानमन्त्री पुष्पकमल दाहाल ‘प्रचण्ड’देखि एमाले अध्यक्ष केपी शर्मा ओलीसम्मले रविविरुद्ध कठोर नहुने नीति लिएको बताइन्छ । तर, समिति नबन्दादेखि प्रमुख प्रतिपक्षी दल कांग्रेसले गृहमन्त्री संलग्न भएकाले उनी केन्द्रित संसदीय छानबिन समितिका लागि जोड दिँदै आएको थियो । यसैले रविमाथि गर्नुपर्ने छानबिनमा नरम नहुनेमा कांग्रेस प्रस्ट देखिएको नेताहरू बताउँछन् । 

‘हामीले त सहकारी प्रकरणमा गृहमन्त्रीको नामै लिएर छानबिन गर्नुपर्ने माग लामो समय गर्‍यौं, तर समिति बनाउन उहाँहरू तयार हुनुभएन,’ कांग्रेसका एक नेता भन्छन्, ‘तर, उहाँ जोडिएका सहित ९ वटा मुख्य समस्या देखिएका सहकारी र यिनबाट गोर्खा मिडियामा आएको करोडौं रुपैयाँ अपचलनको छानबिन गर्ने भएपछि रविको नाम लेखिएजत्तिकै हो भन्ने कांग्रेसको भनाइ छ । सहमति भएको विषयअनुसार छानबिन गर्नुपर्छ ।’

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

बीपीको स्मृतिमा कांग्रेसले गर्नुपर्ने एउटा संकल्प

बीपीको स्मृतिमा कांग्रेसले गर्नुपर्ने एउटा संकल्प

साउन ६, २०८१

'आग्रहले भरिएको मस्तिष्कभन्दा खाली मस्तिष्क सत्यको नजिक हुन्छ' - थोमस जेफर्सन (तेस्रो अमेरिकी राष्ट्रपति) । हाम्रा प्रात: स्मरणीय नेता, विचार, सिद्धान्त र प्रथम जनक्रान्तिका प्रणेता बीपीको ४२ औं स्मृति दिवसको...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

x