देशभरका औद्योगिक क्षेत्रका उद्योगीहरूको छाता संस्था नेपाल औद्योगिक क्षेत्र उद्योग महासंघको अध्यक्षमा एजाज आलम चयन भएका छन् । 

शनिबार बुटवलमा भएको अधिवेशनबाट अध्यक्षमा बुटवल औद्योगिक क्षेत्रका उद्योगी आलम निर्विरोध चुनिएका हुन् ।

महासंघको वरिष्ठ उपाध्यक्षमा बालाजु औद्योगिक क्षेत्रका वीरेन्द्रनाथ भट्टराई, प्रथम उपाध्यक्षमा राजेश्वरलाल जोशी, द्वितीय उपाध्यक्षमा हेटौंडाका सुदीप घिमिरे, महासचिवमा भक्तपुरका सागर घिमिरे, सचिवमा पोखराका सागरबहादुर श्रेष्ठ, कोषाध्यक्षमा बालाजुका कान्छा थापा र सहकोषाध्यक्षमा नेपालगञ्जका जगदिश उप्रेती निर्विरोध निर्वाचित भएका छन् ।

महासंघको विधान अनुसार अध्यक्ष बाहेकका सबै पदहरू सदस्यमा निर्वाचित भई निर्वाचित सदस्यबाट पदाधिकारी चयन गर्ने व्यवस्था छ । त्यसैगरी, एसोसिएट सदस्यमा सुयशराज पराजुली र पदेन सदस्यमा बुटवल औद्योगिक क्षेत्र उद्योग संघका अध्यक्ष उपेन्द्र अग्रवाल छन् ।