शुक्रबार विराटनगरसहित तराई-मधेशमा फागु पूर्णिमा (होली) पर्व मनाइँदैछ ।

काठमाडौं उपत्यकासँगै हिमाली र पहाडी क्षेत्रमा मनाइएको भोलिपल्ट आज तराई–मधेशका जिल्लामा होली मनाइँदैछ । 

विशेषगरी युवा पुस्ताले खुलेर होलीको रमाइलो गरिरहेका छन् ।

विराटनगरमा विभिन्न क्षेत्रमा होली खेल्नेहरूको रौनक र चहलपहल धेरै छ । 

जिल्ला प्रशासन कार्यालय मोरङले सौहार्दपूर्ण वातावरणमा होली खेल्न अनुरोध गरेको छ ।