०५ साउन २०८३, मंगलबार
स्रष्टा समान तथा अनुराग साहित्य समाज नेपालको चौथो अधिवेशनले सरस्वती बस्यालको अध्यक्षतामा नयाँ कार्यसमिति चयन गरेको छ ।
जसको वरिष्ठ उपाध्यक्षमा श्यामप्रसाद न्यौपाने, उपाध्यक्षमा शिवप्रसाद काफ्ले, सचिवमा अनन्तराम भण्डारी, सहसचिवमा दलबहादुर विक, कोषाध्यक्षमा रीता पराजुली छन् ।
यसैगरी सदस्यहरूमा जानुका लम्साल, भगवती शर्मा (तिवारी), मधु भण्डारी, पूजा ढुंगाना, मीनप्रसाद भट्टराई चयन भएका संस्थाका संस्थापक अध्यक्ष निर्मल ढुंगानाले जानकारी दिए ।
अनुराग साहित्य समाज नेपालका अध्यक्ष यमलाल अर्यालको अध्यक्षता र देवदह नगरपालिकाका कार्यवाहक नगर प्रमुख विद्यालक्ष्मी गुरुङको प्रमुख आथित्यतामा कार्यक्रम सम्पन्न भएको थियो ।
कार्यक्रममा कवि नवराज पराजुलीले विभिन्न कथाहरू वाचन गरेका थिए ।
सोही अवसरमा नरेन्द्र अनुराग पुरस्कारबाट २०७९ बाट साहित्यकार सरस्वती तिमिल्सिेना र २०८० बाट साहित्यकार वनमाली निराकारलाई नगदसहित सम्मान गरिएको छ ।
यसैगरी देवदहमा रहेर कविता सृजना गरी राष्ट्रिय रूपमा कविताबाटै पुरस्कृत भएका साहित्यकार यज्ञप्रसाद न्यौपानेलाई कविता रत्न सम्मान–२०८१ प्रदान गरिएको छ ।
त्यसैगरी मुकेश ज्ञवालीलाई अनुराग गौरव सम्मानबाट पुरस्कृत गरिएको छ । सञ्चारको क्षेत्रबाट संस्थाको प्रचार प्रसारमा महत्त्वपूर्ण योगदान पुर्याए बापत रेडियो देवदहका निमित्त स्टेसन म्यानेजर गोविन्द घर्ती र पत्रकार कमला अर्याललाई सम्मान गरिएको छ ।
यसैगरी कार्यसम्पादनमा महत्त्वपूर्ण योगदान पुर्याएको भन्दै संस्थाका सचिव शिवप्रसाद काफ्ले र सदस्य रीता पराजुलीलाई सम्मान गरिएको छ ।
कार्यक्रममा देवदह नगरपालिकाका पूर्वनगर प्रमुख हिराबहादुर खत्री, प्रमुख प्रशासकीय अधिकृत कृष्णप्रसाद सापकोटा, नगर प्रवक्ता गणेश डुम्रे, संस्थाका संस्थापक अध्यक्ष निर्मल ढुंगाना, निर्वाचित जनप्रतिनिधि, शिक्षक, समाजसेवी तथा साहित्यकारहरूको उपस्थिति रहेको थियो ।
समाजका वरिष्ठ उपाध्यक्ष सरस्वती बस्यालको स्वागत र सचिव शिवप्रसाद काफ्लेको सञ्चालनमा कार्यक्रम सम्पन्न भएको थियो ।
