१२ साउन २०८३, मंगलबार
दोस्रो संस्करणको नेपाल प्रिमियर लिग (एनपीएल)को आज सातौं दिन आइतबार कुनै खेल राखिएको छैन ।
नेपाल क्रिकेट संघले यसअघि नै सार्वजनिक गरेको खेल तालिकामा आज विश्रामको दिन राखिएको थियो ।
भोलि सोमबार भने त्रिवि अन्तर्राष्ट्रिय क्रिकेट रङ्गशाला कीर्तिपुरमा दुई खेल हुनेछन् । बिहान ११:४५ बजे हुने पहिलो खेलमा जनकपुर बोल्ट्स र विराटनगर किङ्ग्सबीच प्रतिस्पर्धा हुनेछ । त्यसैगरी, दोस्रो खेल दिउँसो ४ बजे कर्णाली याक्स र सुदूरपश्चिम रोयल्सबीच हुनेछ ।
हालसम्मको अंकतालिका अनुसार दुई–दुई खेल खेलेका सुदूरपश्चिम रोयल्स र विराटनगर किङ्ग्स चार–चार अंकसहित पहिलो र दोस्रो स्थानमा छन् । दुई खेलमा एकमा जीत र एकमा हार बेहोरेको कर्णाली याक्स तेस्रो नम्बरमा छ ।
दुईवटा खेल खेलेको पोखरा भने दुवैमा पराजित हुँदै पुछारमा छ ।
मंसिर १ गतेदेखि शुरू एनपीएलमा जनकपुर बोल्ट्स, सुदूरपश्चिम रोयल्स, कर्णाली याक्स, पोखरा एभेन्जर्स, विराटनगर किङ्ग्स, चितवन राइनोज, काठमाडौं गोर्खाज र लुम्बिनी लायन्स गरेर आठ फ्रेन्चाइज टोलीले प्रतिस्पर्धा गर्दैछन् । मंसिर २७ गते फाइनल हुनेछ ।
