२१ असार २०८३, आइतबार
युरोप र उत्तरी अमेरिकामा बर्ड फ्लू द्रुत गतिमा फैलिरहेको छ। जंगली चराहरू र कुखुरा फार्महरूमा यसको संक्रमण तीव्र गतिमा बढिरहेको अन्तर्राष्ट्रिय सञ्चार माध्यमहरूले जनाएका छन् ।
नोभेम्बर १८ सम्म, संयुक्त राज्य अमेरिकाका १०७ स्थानहरूमा बर्ड फ्लू पुष्टि भएको हो ।
बर्ड फ्लूका कारण सेप्टेम्बरदेखि संयुक्त राज्य अमेरिका र क्यानडामा लगभग १ करोड ६० लाख कुखुरा मार्नु परेको समाचारमा उल्लेख छ ।
सेप्टेम्बरदेखि नोभेम्बरसम्म, २६ युरोपेली देशहरूमा फ्लूका १,४४३ केसहरू रिपोर्ट गरिएको थियो, जुन गत वर्षको तुलनामा चार गुणा बढी र २०१६ पछिको सबैभन्दा बढी हो।
जर्मनीले तीन वर्षमा सबैभन्दा धेरै केसहरू रिपोर्ट गरेको छ। यसैबीच, फ्रान्सले अक्टोबरमा राष्ट्रव्यापी उच्च सतर्कता घोषणा गरेको छ।
