०९ साउन २०८३, शनिबार
इन्डियन प्रिमियर लिग (आईपीएल) को १९औं संस्करणका लागि मंगलबार आबुधाबीमा जारी खेलाडी अक्सन (खेलाडी खरिद–बिक्री प्रक्रिया) मा अस्ट्रेलियाका अलराउन्डर क्यामरन ग्रीन २५ करोड २० लाख भारतीय रुपैयाँमा बिक्री भएका छन् ।
अक्सनमा उनलाई कोलकाता नाइट राइडर्सले खरिद गरेको हो । उनलाई खरिद गर्न अन्य क्लबले पनि बोली लगाएका थिए ।
तर, कोलकाता उनलाई खरिद गर्न सफल भयो । उनी आईपीएलको इतिहासमै सबैभन्दा महंगोमा बिक्री हुने विदेशी खेलाडी बनेका छन् ।
अक्सनमा प्रभावशाली दक्षिण अफ्रिकी ब्याट्सम्यान डेभिड मिल्लरलाई भने दिल्ली क्यापिटल्सले खरिद गर्यो । उनलाई दिल्लीले आधारभूत मूल्य दुई करोड भारतीय रुपैयाँमा खरिद गरेको हो ।
अक्सनमा अस्ट्रेलियाका ज्याक फ्रेजर म्याकगर्क र भारतका पृथ्वी शालाई खरिद गर्न भने कुनै पनि क्लबले चासो देखाएनन् ।
