२५ जेठ २०८३, सोमबार
ग्लोबल आइएमई बैंकद्वारा स्थानीय लघु, साना तथा मझौला उद्योग को प्रवर्द्धन गर्ने उद्देश्यले शुक्रबार, माघ २, २०८२ मा ५०औं ग्लोबल हाट बजार आयोजना गर्दैछ।
सबैको निरन्तर उत्साह र सक्रिय सहभागिताले साप्ताहिक कार्यक्रमलाई स्थानीय उद्योगहरूका लागि आफ्ना रैथाने दिगो उत्पादनहरू प्रदर्शन गर्ने एक प्रभावकारी माध्यम बनाएको बैंकले जनाएको छ ।
बैंकले आफूले ऋण लगानी गरेका लघु, साना तथा मझौला उद्यमीले उत्पादन गरेका वस्तुहरूलाई बजारीकरणमा सहजीकरण गर्ने उद्देश्यले ‘ग्लोबल हाट बजार’ सञ्चालनमा ल्याएको हो ।
उद्यमीको उत्पादन, ग्लोबल आइएमईको प्रोत्साहन भन्ने नारालाई आत्मसाथ गर्दै बैंकले हाट बजार सञ्चालनमा लयाएको जनाएको छ ।
हाट बजारले अर्ग्यानिक, रैथाने तथा स्थानीय उत्पादनलाई प्रोत्साहित गर्दै बजारीकरण गर्न सहजीकरण गर्ने र नेपाली उत्पादकलाई हौसला प्रदान गर्ने बैंकले विश्वास लिएको छ ।
