०५ साउन २०८३, मंगलबार
युवराज सफल भन्ने युवराज पौडेल पक्राउ परेका छन् ।
महान्यायाधिवक्ताको कार्यालय र महान्यायाधिवक्ता सविता भण्डारीका बारेमा तथ्यहीन कुराहरूको भिडियो बनाएर सामाजिक सञ्जालमा पोस्ट गरेको आरोपमा उनलाई पक्राउ गरिएको जिल्ला प्रहरी परिसर काठमाडौंले जनाएको छ ।
परिसरका प्रवक्ता प्रहरी उपरीक्षक पवनकुमार भट्टराईका अनुसार महान्यायाधिवक्ता कार्यालयको पत्रका आधारमा उनलाई पक्राउ गरिएको हो ।
सफललाई कारबाहीका लागि महान्यायाधिवक्ताको कार्यालयले यही माघ ८ गते प्रहरीलाई पत्र पठाएको थियो । सोही पत्रका आधारमा उनलाई अनुसन्धानका लागि पक्राउ गरिएको हो ।
उनलाई काठमाडौं जिल्ला अदालतबाट ३ दिनको म्याद थप अनुमति लिएर थप अनुसन्धान भइरहेको प्रवक्ता भट्टराई जानकारी दिए ।
