सुदूरपश्चिमको राजनीतिक केन्द्र मानिने कैलालीमा प्रतिनिधिसभा सदस्य निर्वाचनको मतगणनाले नयाँ मोड लिएको छ ।

अहिलेसम्मको नतिजा अनुसार जिल्लाका पाँचवटै निर्वाचन क्षेत्रमा राष्ट्रिय स्वतन्त्र पार्टी (रास्वपा)का उम्मेदवारले फराकिलो अग्रता लिएका छन् । 

धनगढी उपमहानगरपालिका समेत रहेको कैलाली क्षेत्र नम्बर ५ मा रास्वपाका आनन्दबहादुर चन्दले अन्य सबै उम्मेदवारको मत जोड्दा पनि पुग्न नसक्ने गरी ‘कमान्डिङ’ अग्रता लिएका छन् । 

कूल १९,५०३ मत गणना हुँदा चन्दले ९,४५७ मत प्राप्त गरेका छन् । उनका निकटतम प्रतिस्पर्धी नेपाली कांग्रेसका नरनारायण शाहले ३,५६८ मत ल्याएका छन् । 

एमालेका यज्ञराज ढुंगानाले २,१५३ र नेकपाका प्रेमबहादुर आले २,२४६ मत ल्याएका छन् ।

यस्तै कैलाली क्षेत्र नम्बर ४ मा पनि रास्वपाले आफ्नो अग्रता कायमै राखेको छ । 

रास्वपा (घण्टी): २,१३३ मत 
एमाले (सूर्य): ६३० मत
कांग्रेस (रुख): ५६२ मत
नेकपा (तारा): २११ मत

कैलाली क्षेत्र नं. ३: 
वीरमान चौधरी (तारा): ३,४५५ 
भीम बडुवाल (कांग्रेस): १,७२५ 
गौरी शंकर चौधरी (एमाले): १,३९५ 

कैलाली क्षेत्र नं. २: 
केपी खनाल (घण्टी): १,७७९ 
सूर्य बहादुर थापा (सूर्य): १,५३० 
विजय बहादुर स्वार (रुख): १,२०९ 
नन्द बहादुर साउद (तारा): १,०७२ 

कैलाली क्षेत्र नं. १
कोमल ज्ञवाली  (घण्टी): ६,४६५ 
जनकराज चौधरी (कांग्रेस): ४,४०९
रामलाल डगौरा थारू (तारा) : ३१०३
द्वारिकाप्रसाद न्यौपाने (एमाले): २,०१९ 
फागुराम थारू (स्वतन्त्र): २,०१५