०५ साउन २०८३, मंगलबार
राष्ट्रिय प्रजातन्त्र पार्टी (राप्रपा)की कुन्तीदेवी पोखरेलले आफ्नो चुनावी खर्च सार्वजनिक गरेकी छिन् ।
काठमाडौं क्षेत्र नम्बर २ मा राष्ट्रिय स्वतन्त्र पार्टीका सुनिल केसीसँग पराजित पोखरेलले फागुन २१ गते भएको निर्वाचनमा १५ लाख ९५ हजार ५०० रुपैयाँ खर्च गरेकी छिन् ।
आफ्नो चुनावी खर्च विवरण बुधबार निर्वाचन आयोगमा बुझाएसँगै उनले सामाजिक सञ्जालमा सार्वजनिक गरेकी हुन् ।
निर्वाचित केसीले ३४ हजार २३८ मत प्राप्त गर्दा पोखरेलले ५ हजार २१० मत प्राप्त गर्दै तेस्रो बनेकी थिइन् ।
यस्तै दोस्रो बनेका नेपाली कांग्रेसका कवीर शर्माले ८ हजार ८७४ मत प्राप्त गरेका थिए ।
