नेपाली राष्ट्रिय टोलीका प्रभावशाली लेग–स्पिनर सन्दीप लामिछानेले निकट भविष्यमा बेल्जियममा फ्रेन्चाइज क्रिकेट खेल्ने भएका छन् ।

सन्दीपले बेल्जियमको ईयू टी–२० लिग खेल्न लागेका हुन् । उक्त लिगका लागि सन्दीप लिज रेड लायन्सको टोलीमा आबद्ध भएको समाचारमा जनाइएको छ ।

सन्दीप आबद्ध टोलीमा चर्चित खेलाडी कोरी एन्डर्सन, सोएब मलिक र क्रिस लिन पनि रहेका छन् । टोलीको प्रशिक्षक भने हर्सेल गिब्स हुन् ।

ईयू टी–२० लिगको पहिलो संस्करण आगामी मे ३० देखि जुन ७ तारिखसम्म आयोजना हुनेछ । प्रतियोगितामा ६ वटा टोलीको सहभागिता रहने बताइएको छ ।