२९ असार २०८३, सोमबार
अमेरिकी राष्ट्रपति डोनाल्ड ट्रम्पले इरानले आणविक हतियार नराख्ने सहमति जनाएको दाबी गरेका छन् । ह्वाइट हाउसमा मिडियासँग कुरा गर्दै ट्रम्पले दुई देशहरूबीचको वार्ता जारी रहेको र इरानले सम्झौता चाहेको बताएका हुन् । 'हाम्रो पहिलो सर्त भनेको इरानले आणविक हतियार विकास नगर्ने हो, जसमा सहमति भएको छ,' उनले भने ।
ट्रम्पले अमेरिकाले युद्ध जितेको दाबी गरे । इरानको नौसेना, वायुसेना र रडार प्रणालीहरूले काम गर्न छोडेको उनको दाबी छ ।
यद्यपि, इरानले अहिलेसम्म अमेरिकासँग कुनै पनि प्रत्यक्ष वार्ता गर्न अस्वीकार गरेको छ।
संयुक्त राष्ट्र संघका लागि इजरायली राजदूत ड्यानी ड्यानोनले अमेरिका र इरानबीचको वार्तामा इजरायल संलग्न नभएको बताएका छन्।
ट्रम्पले उपराष्ट्रपति जेडी भान्स र विदेशमन्त्री मार्को रुबियोले इरानसँग वार्ताको नेतृत्व गरिरहेको बताए । उनले चाँडै सम्झौता हुने आशा व्यक्त गरे ।
