०५ साउन २०८३, मंगलबार
बालेन्द्र शाह नेतृत्वको मन्त्रिपरिषद् बैठकले जेनजी आन्दोलनका सम्बन्धमा गठित जाँचबुझ आयोगको प्रतिवेदन कार्यान्वयनमा लैजाने निर्णय गरेको छ ।
सिंहदरबारमा शुक्रबार अपराह्न बसेको बैठकले जेनजी आन्दोलनसहित अहिलेसम्मका सम्पूर्ण आन्दोलनका ज्ञात-अज्ञात शहीदहरूप्रति श्रद्धाञ्जली अर्पण गर्ने निर्णय पनि गरेको छ ।
भदौ २३ र २४ को आन्दोलनका सन्दर्भमा अनुसन्धान गर्न गौरीबहादुर कार्कीको नेतृत्वमा जाँचबुझ आयोग बनाउने निर्णय गरेको थियो ।
आयोगले पूर्वप्रधानमन्त्री केपी शर्मा ओली, तत्कालीन गृहमन्त्री रमेश लेखक लगायतलाई कारबाहीको सिफारिश गरेको छ ।
यसका साथै, सुरक्षा निकायको हकमा अध्ययन गर्न कार्यदल गठन गर्ने, शासकीय सुधारका लागि १०० बुँदा पारित गर्ने र महान्यायाधिवक्ताको सविता भण्डारीको राजीनामा स्वीकृत गर्ने निर्णय पनि भएको छ ।
बैठकले सरकारको प्रवक्ताको जिम्मेवारी शिक्षामन्त्री सम्मित पोखरेललाई दिने निर्णय पनि गरेको छ ।
