११ साउन २०८३, सोमबार
नेपाली कांग्रेसको तर्फबाट गण्डकी प्रदेशसभा सदस्य दोर्ण कुमार कुँवरले राजीनामा दिएका छन् ।
उनले प्रदेशका सभामुखलाई सम्बोधन गर्दै बुधबार राजीनामा पत्र लेखेका हुन् । यद्यपि, प्रदेश सभा सचिवालयले भने अहिलेसम्म राजीनामा पत्र प्राप्त नभइसकेको जनाएको छ ।
उनी २०७९ मंसिरमा सम्पन्न प्रदेशसभा निर्वाचनमा बागलुङ २ (२) बा प्रत्यक्ष निर्वाचित भएका थिए ।
उनले आमनागरिकको भरोसालाई पूर्ण कार्यकाल सम्पन्न गर्न नसकेको भन्दै क्षमा समेत मागेका छन् ।
उनले आफू कुनै सार्वजनिक पदमा नरहे पनि सेवा र सत्कर्ममा कुनै कम नरहने प्रतिबद्धता समेत जनाएका छन् ।
मंगलबार नै गण्डीका मुख्यमन्त्री सुरेन्द्र पाण्डेले मन्त्रिपरिषद् हेरफेर गरेका छन् । मुख्यमन्त्री पाण्डे कांग्रेसकै हुन् ।
राजीनामा दिएका सांसद कुँवर मन्त्रीका आकांक्षी रहेको बुझिएको छ । मन्त्रीमा आफ्नो नाम नपरेपछि उनले राजीनामा दिएको चर्चा छ ।
