२८ असार २०८३, आइतबार
अमेरिका र इरानबीच सोमबार पुन: वार्ता हुने अपेक्षा गरिएको सीएनएनले दाबी गरेको छ । दुवै देशका प्रतिनिधिमण्डलहरू वार्ताका लागि सप्ताहन्तमा पाकिस्तान आइपुग्ने समाचारमा उल्लेख छ ।
सीएनएनले इरानी स्रोतहरूलाई उद्धृत गर्दै यस्तो दाबी गरेको हो । यद्यपि, अमेरिकाले वार्ता तय भएको पुष्टि गरेको छैन ।
अमेरिकी राष्ट्रपति डोनाल्ड ट्रम्पले शुक्रबार दुवै पक्षहरू सम्झौताको नजिक रहेको विश्वास व्यक्त गरेका थिए ।
इरानका विदेशमन्त्रीले व्यावसायिक जहाजहरूका लागि हर्मुज जलमार्ग खुला रहेको बताएn , जसले मध्य पूर्वमा युद्धको अन्ततः अन्त्य हुने आशालाई बलियो बनाउँछ ।
तर, इरानी संसदका सभामुखले अमेरिकाले यस क्षेत्रमा आफ्नो नौसेना नाकाबन्दी नहटाएमा जलमार्ग फेरि बन्द हुने चेतावनी दिएका छन् ।
