नेपाली कांग्रेसका नेता एवं पूर्वअर्थमन्त्री ज्ञानेन्द्रबहादुर कार्कीविरुद्ध अख्तियारले भ्रष्टाचार मुद्दा दायर गरेको छ । 

पोखरा क्षेत्रीय विमानस्थल निर्माणमा अनियमितता गरेको आरोपमा अख्तियार दुरुपयोग अनुसन्धान आयोगले बिहीबार कार्कीसहित १४ जनाविरुद्ध विशेष अदालतमा भ्रष्टाचार मुद्दा दायर गरेको हो ।

ठेकेदार कम्पनीलाई कर छुट दिएर राज्यलाई नोक्सानी गराएको आरोपमा कार्की लगायत तत्कालीन नेपाल सरकारका सचिवसहितलाई भ्रष्टाचार मुद्दा दायर गरेको हो । 

शेरबहादुर देउवा नेतृत्वको सरकारमा २०७४ सालको जेठ २४ गते कार्की अर्थमन्त्री नियुक्त भएका थिए ।

पोखरा विमानस्थल प्रकरणमा कांग्रेसका नेता एवं पूर्वअर्थमन्त्री डा. रामशरण महतविरुद्ध पनि गत मंसिर २१ गते भ्रष्टाचार मुद्दा दायर गरिएको थियो ।

विशेष अदालतले हालै उनको स्वास्थ्य परीक्षण गर्न आदेश गरेको थियो ।

पढ्नुहोस् यो पनि- ६ पटकका अर्थमन्त्री डा. रामशरण महतलाई पद छाडेको दशकपछि भ्रष्टाचार मुद्दा