२५ जेठ २०८३, सोमबार
शोभा पाठक भनिने जानुका पाठकलाई माइतीघर मण्डलमा आक्रमण गरेको आरोपमा पक्राउ परेका १० जनालाई धरौटीमा छाड्न अदालतले आदेश दिएको छ ।
आक्रमण संलग्न भनेर मुद्दा चलाइएकी नेकपा एमालेका सचिव महेश बस्नेतकी श्रीमती अम्बिका भण्डारी र शर्मिला बस्नेतलाई काठमाडौं जिल्ला अदालतले जनही ५०/५० हजार धरौटीमा छाड्न आदेश भएको छ ।
जिल्ला प्रहरी परिसर काठमाडौंका प्रवक्ता एवं प्रहरी उपरीक्षक पवनकुमार भट्टराईका अनुसार बाँकी ८ जनालाई भने जनही २५ हजार धरौटीमा छाड्न आदेश भएको हो ।
अम्बिका, शर्मिलासँगै गीता पण्डित, प्रगति थापा, सोनु बराल, जानुका बस्नेत, रेखा न्यौपाने, सविना केसी, कमला बस्नेत, नीता खत्रीविरुद्ध ज्यान मार्ने उद्योगमा मुद्दा चलाइएको थियो ।
माइतीघरमा धर्ना बसेकी पाठक र यो समूहबीच हात हालाहाल भएको थियो । पाठक सुधन गुरुङलाई गृहमन्त्री बनाउनुपर्ने माग राख्दै धर्ना बसेकी थिइन् ।
