३० जेठ २०८३, शनिबार
प्रधानन्यायाधीश नियुक्तिको सिफारिशविरुद्ध सर्वोच्च अदालतमा ६ वटा रिट परेका छन् ।
वरीयता मिचेर प्रधानन्यायाधीश सिफारिश गरेको भन्दै वरिष्ठ अधिवक्ता दिनेश त्रिपाठीसहितले शुक्रबार रिट निवेदन पेश गरेका हुन् ।
आफूले पेश गरेको निवेदन दर्ता हुन भने बाँकी नै रहेको त्रिपाठीले बताए ।
यता सर्वोच्च अदालतका प्रवक्ता अर्जुनप्रसाद कोइरालाले रिटहरू अध्ययनको क्रममा रहेको जानकारी दिए । 'विभिन्न ६ वटा रिट परेका छन्, अध्ययन भइरहेको छ, बाँकी प्रक्रिया अब सोमबार मात्रै थाहा हुन्छ,' उनले भने ।
यसअघि प्रधानमन्त्री तथा संवैधानिक परिषद्का अध्यक्ष वालेन्द्र शाहको अध्यक्षतामा बिहीबार बसेको बैठकले चौथो वरीयताका न्यायाधीश डा. मनोजकुमार शर्मालाई प्रधानन्यायाधीशमा सिफारिश गरेको थियो ।
शीर्ष वरीयताकै न्यायाधीशलाई प्रधानन्यायाधीश बनाउने परम्पराविपरीत सिफारिश गरिएको भन्दै रिट परेको हो ।
