०२ साउन २०८३, शनिबार
सर्वोच्च अदालतको प्रधानन्यायाधीशमा सिफारिश डा. मनोजकुमार शर्माले प्रधानन्यायाधीश सिफारिशविरुद्ध दर्ता हुन आएका रिट दरपीठ आफ्नो कारणले नभएको बताएका छन् ।
अहिले बार एसोसिएसनले गरेको विरोध अदालत प्रशासनको विचमा नमिलेर भएको हुनसक्ने उनको भनाइ छ ।
संसदीय सुनुवाइ समितिमा सांसदहरूले सोधेका प्रश्नको जवाफमा शर्माले आफ्नो कारणले दरपीठ नभएको बताएका हुन् ।
‘मेरो कारणले रिट दरपीठ भएको होइन, सर्वोच्च प्रशासन आफैं स्वतन्त्र रहेको अवस्था छ । प्रशासनबाट विवेक प्रयोग भएको होला, यसमा थप टिप्पणी गर्न चाहिन,’ शर्माले संसदीय सुनुवाइ समितिमा भने ।
शर्माले आफू प्रधानन्यायाधीश नियुक्त भएमा न्यायालयमा न्याय सम्पादन छिटो छरितो बनाउने प्रतिबद्धता जनाए ।
संसदीय सुनुवाइ समितिले यसअघि उजुरीकतासँग छलफल गरेको थियो ।
