११ साउन २०८३, सोमबार
विपक्षी दलहरूले प्रधानमन्त्री वालेन्द्र शाह (बालेन)को जवाफ माग्दै विरोध गरेपछि प्रतिनिधिसभा बैठक १५ मिनेटका लागि स्थगित भएको छ ।
नेपाल-भारत सीमाबारे प्रधानमन्त्रीले दिएको अभिव्यक्ति आलोचना गर्दै विपक्षीले निरन्तर विरोध गरेपछि सभामुख डोलप्रसाद (डीपी) अर्यालले १५ मिनेटका लागि बैठक स्थगित गरेका हुन् ।
जेठ १७ गतेको प्रतिनिधिसभा बैठकमा प्रधानमन्त्री बालेनले नेपाल–भारत सीमा विवाद कूटनीतिक छलफलबाट समाधान गर्ने बताउँदै भारतले मात्रै नभएर नेपालले पनि भारतको भूमि मिचेको बताएका थिए ।
प्रधानमन्त्रीको उक्त अभिव्यक्तिमा आपत्ति जनाउँदै विपक्षी दलका सांसदहरूले संसद् बैठक अवरोध गर्दै आइरहेका छन् ।
प्रधानमन्त्रीले संसद्मा आएर माफी माग्नुपर्ने, उक्त अभिव्यक्ति संसद्को रेकर्डबाट हटाउनुपर्ने उनीहरूको माग छ ।
