राष्ट्रिय स्वतन्त्र पार्टी (रास्वपा)का केन्द्रीय सदस्य तथा परराष्ट्रमन्त्री शिशिर खनाल महामन्त्री पदको प्रतिस्पर्धाबाट पछि हटेका छन्।

शुक्रबार सामाजिक सञ्जालमार्फत खनालले पार्टीको महामन्त्री पदमा आफ्नो उम्मेदवारी फिर्ता लिएको जानकारी दिएका हुन् ।

उनले सहमतिको चाहनालाई सम्मान गर्दै पहिलो ऐतिहासिक महाधिवेशनबाट प्राप्त उपलब्धिको संस्थागत विकास र पार्टीलाई थप सशक्त बनाउन आफूले उम्मेदवारी फिर्ता लिएको बताएका छन्। साथै, आफ्नो निर्णयले अन्य आकांक्षी नेताहरूलाई पनि सहमतिको बाटो रोज्न सहज हुने अपेक्षा व्यक्त गरेका छन्।