०५ साउन २०८३, मंगलबार
आत्मदाह प्रयासपछि घाइते भएका सर्लाहीको गोडैता नगरपालिकाका २५ वर्षीय विवेक मण्डलको मृत्यु भएको छ । शुक्रबार हेलिकप्टरमार्फत काठमाडौं ल्याइएका मण्डलको कीर्तिपुरस्थित बर्न अस्पतालको सघन उपचार कक्ष (आईसीयू) मा उपचार भइरहेको थियो ।
उनको उपचारको क्रममा गएराति मृत्यु भएको अस्पतालका निर्देशक डा. किरण नकर्मीले जानकारी दिए । मण्डलको शरीरको करिब ८५ प्रतिशत भाग गम्भीर रूपमा जलेको थियो ।
मण्डलले शुक्रबार आफ्नै शरीरमा पेट्रोल खन्याएर आगो लगाएका थिए। घटनापछि उनलाई उद्धार गरी थप उपचारका लागि काठमाडौं ल्याइएको थियो । यसअघि राजधानीमै आत्मदाह प्रयासपछि दुई जनाको मृत्यु भएको थियो ।
