पृथ्वी राजमार्गअन्तर्गत धादिङको बेनीघाट रोराङ गाउँपालिका–१० स्थित तिग्राङ खानीमा सुख्खा पहिरो खसेपछि सवारी आवागमन पूर्ण रूपमा ठप्प भएको छ । 

जवाङ खोला नजिकै माथिबाट पहिरो खसेर राजमार्ग दुईतर्फी नै अवरुद्ध भएको हो ।

जिल्ला प्रशासन कार्यालय धादिङले बिहीबार साँझ एक सूचना जारी गर्दै पहिरो खस्ने क्रम अझै जारी रहेकाले अर्को सूचना नभएसम्मका लागि सबै प्रकारका सवारी साधनलाई आवतजावतमा रोक लगाएको जनाएको छ ।

प्रमुख जिल्ला अधिकारी लक्ष्मी पाण्डेय (गौतम) का अनुसार यात्रुहरूको सुरक्षालाई मध्यनजर गर्दै राजमार्गमा सवारी गुड्न पूर्ण रूपमा प्रतिबन्ध लगाइएको हो ।