०६ साउन २०८३, बुधबार
कीर्तिपुरमा मंगलबार बिहान आगलागी भएको कारमा भेटिएको शव काठमाडौंका सूर्यचन्द्र श्रेष्ठको रहेको पाइएको छ ।
कीर्तिपुर नगरपालिका-१ ट्याङ्लाफाँटस्थित चाँदनीचोकमा कारमा आगलागी हुँदा भेटिएको शव काठमाडौं महानगरपालिका-२६ क्षेत्रपाटीका श्रेष्ठको रहेको सनाखत भएको प्रहरी परिसर काठमाडौंका एसपी पवन कुमार भट्टराईले बताए ।
बा ५ च ३०३८ नम्बरको कारमा आगलागी भएको थियो । कारभित्र उनको शव भेटिएको थियो । श्रेष्ठको शव कारको चालक सिटमा सिट बेल्ट लगाएको अवस्थामा फेला परेको थियो ।
उनी औषधि व्यवसायमा संलग्न रहेको पाइएको प्रहरीले जनाएको छ ।
